Boahtin Bállás-Ylläsduoddarii

3.8.2021
Rávvagat koronavirusii. Meahciráđđehusa Luonddubálvalusaid koronavirusii gullevaš áigedási rávvagat leat čohkkejuvvon dán siidui.

Bállás-Ylläsduoddara álbmotmeahcci lea Kolari, Gihttela, Muoná ja Eanodaga gaskasaš duoddaris ja vuovdeguovllus. Kolaris lea mátki 35 km, Gihttelis 40 km, Roavvenjárggas 165 km ja Heahtás 3,5 km. Lagamus girdišillju lea Gihttelis ja lagamus ruovdegeaidnostašuvdna Kolaris.

Vánddardanmáđijaide

Máđijaide lea álkimus vuolgit álbmotmeahci luondduguovddážiid bokte. Bállás-Ylläsduoddara álbmotmeahcci ollá viiddes guvlui ja máđijaide leat máŋggat vuolggasajit. Luondduguovddážiin oaččut buoremus rávvagiid iešguđet osiin álbmotmeahcis. Vánddardanmáđijaid vuolggasajiid oainnát máđidjagovvádusain.

Gávnnat álbmotmeahci bálvalusaid Retkikarttas mii lea vuollin. Sáhtát lihkahit kártta sáhpániin ja dáppidit ja doppidit dan +/- boaluin. Olgeš ravdda symbolain oaččut oidnosii iešguđet máđidjadiippaid ja boddosajiid.

Linnjábiillain Bállás-Ylläsduoddarii

Heahttá

Eanodaga girkosiidii Heahttái johtá Roavvenjárggas juohke beaivve linnjábiilavuorru (matkahuolto.fi, suomagillii) Gihttela ja Muoná bokte. Gilbbesjávrris beassá Heahttái fástavuoruin (matkahuolto.fi, suomagillii) ja sesoŋŋaáigge Romssas Gilbbesjávrri bokte johtti linnjábiillain (thearcticroute.com, eaŋgalasgillii). Oulus mannet Eanodahkii juohke beaivve guokte linnjábiilaoktavuođa (matkahuolto.fi, suomagillii) Roavvenjárgga bokte.

Bállás

Muonás beassá Bállásduoddarii árgaiđidiin bussiin (matkahuolto.fi, suomagillii), mii joatká Gihttelii. Máhcadettiin Gihttelis busse manná dárbbu mielde Bállásduoddara bokte. Oassi Roavvenjárga–Muoná–Heahttá-bussiin mannet Hotealla Jeris bokte, gos lea 14 km táksemátki Bállásduoddarii (tormaslompolo.com, suomagillii). Romssas Roavvenjárgii manni linnjábiilla (thearcticroute.com, eaŋgalasgillii) johtá Muoná ja Gihttela bokte.

Ylläs

Ylläsjärvii ja Äkäslompoloi leat sesoŋŋaáigge busseoktavuođat Helssegis Jyväskylä ja Oulu bokte (matkahuolto.fi, suomagillii). Buot Kolari togain lea njuolggo linnjábiilaoktavuohta (rundgrenky.fi, suomagillii) Ylläsjärvii ja Äkäslompoloi.

Togain Kolarii dahje Roavvenjárgii

Togain (vr.fi, suomagillii) lagamus Bállás-Ylläsduoddara álbmotmeahci beassá Kolarii (35 km) dahje Roavvenjárgii (165 km).

Heahttá

Kolari ruovdegeaidnostašuvnnas beassá sesoŋŋaáigge Eanodaga Heahttái bovdentáksiin (uusitalontaksit.fi, suomagillii), mii vuodjá Bállásduoddara, Raattama ja Ketomella bokte. Roavvenjárggas lea Heahttái (matkahuolto.fi, suomagillii) beaivválaš linnjábiilavuorru Muoná bokte.

Bállás

Kolari ruovdegeaidnostašuvnnas beassá bovdentáksiin Muonái (taxihietala.com, suomagillii) ja lassemávssus eará čuozáhagaide. Sesoŋŋaáigge bálvala bovdentákse (matkahuolto.fi, suomagillii), mii vuodjá Muoná bokte Hotealla Jerisii, Bállásduoddarii, Hotealla Vuontispirttii ja Eanodaga Heahttái. Roavvenjárgga ruovdegeaidnostašuvnnas lea beaivválaš linnjábiilaoktavuohta Muonái (matkahuolto.fi, suomagillii).

Ylläs

Buot Kolari togain lea njuolggo linnjábiilaoktavuohta (rundgrenky.fi, suomagillii) Ylläsjärvii ja Äkäslompoloi. Roavvenjárgga togain lea giđđasesoŋŋas vahkuloahpain Gihttela bokte vuoddji linnjábiilaoktavuohta (matkahuolto.fi, suomagillii) Ylläsjärvii ja Äkäslompoloi. Roavvenjárggas sáhttá maiddái láigohit láigobiilla.

Bovdentákset ja biillasirdinbálvalusat

Bállás-Ylläsduoddara álbmotmeahci ovttasbargofitnodatdoallit fállet bovdentákse- ja biillasirdinbálvalusaid álbmotmeahci guovllus ja dan lagašvuođas.

Biillain Bállás-Ylläsduoddarii

Dábálamosit geavahuvvon vuolggasajit ja parkerensajit leat álbmotmeahci luondduguovddážiid lagašvuođas. Máđijat mannet álbmotmeahci iešguđet osiin ja vuolggasajit leat máŋggat. Geahča máđija guovdu vuolggasajiid dárkileappot máđidjasiiddus.

Duottar-Sámi luondduguovddáš, Peuratie 15, 99400 Eanodat, Heahttá. Sadji lea sullii 10 biilii. Dálvebajásdoallu.

  • Geahča Heahtá guovllu máđijaid vuolggasajiid máđidjagovvádusain.
  • Fuomášathan, ahte Heahtás vánddardeaddjit galget vuos rasttildit Ovnnesjávrri vai besset álbmotmeahccái. Dat lihkostuvvá álkit fitnodatdoalliid fanassáhtuin.
  • Vuolggedettiin čuoigat biilla sáhttá guođđit gili nuortaravdii Duottar-Sámi luondduguovddáža parkerensadjái ja guovddážis guollehámmanii, gos lea dálvebajásdoallu ja sadji sullii 5 biilii. Guollehámmana čujuhus lea Valkamatie 15, 99400 Eanodat.

Bállásduoddara luondduguovddáš, Pallastunturintie 557, 99330 Bállásduottar, Muoná. Sadji lea sullii 20 biilii. Dálvebajásdoallu. Geasset lassesadji lea sullii 50 biilii.

Ylläsduoddara luondduguovddáš Kellokas, Tunturintie 54, 95970 Äkäslompolo, Kolari. Sadji lea sullii 50 biilii. Dálvebajásdoallu.

Ylläsjärvi bealde čielgasamos vuolggasadji máđijaide lea Sport Resort Ylläs, Iso-Ylläksentie 44, 95980 Kolari (geainnu nr 9392). Sadji lea sullii 40 biilii. Dálvebajásdoallu.

Girddi Gihttelii

Lagamus girdišillju lea Gihttelis (finavia.fi, suomagillii). Eanodaga gieddái girdet dušše charter-girdimat.

Heahttá

Gihttela girdingiettis beassá Eanodaga Heahttái fástavuoruid linnjábiillaiguin (matkahuolto.fi, suomagillii) dahje bovdentáksiin (tosilappi.fi, suomagillii), man galgá várret ovddalgihtii.

Bállás

Gihttela girdingiettis beassá Bállásduoddarii ovddalgihtii várrejuvvon bovdentáksiin, mii vuodjá Muonái ja Jerisjärvis Bállásduoddarii (finavia.fi, suomagillii).

Ylläs

Gihttelii boahtti girdiin lea sesoŋŋaáiggiid girdingieddebusseoktavuohta (rundgren.fi, suomagillii) Ylläsjärvii ja Äkäslompoloi, ja sesoŋŋaáiggiid olggobealde oktavuohta doaibmá ovddalgihtii várrejuvvon bovdentáksiin.