Buljju johtolagat

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Vánddardanjohtolagat ja bálgát

Buljju meahcceguovllus eai leat merkejuvvon johtolagat, muhto meahcceguovllus leat muhtin sajáiduvvan, eatnamiidda merkekeahtes johtinluottat. Oassi dáin luottain oidno guovllu gárttain.

Johtolagaid vuolginsajit

  • Galbmagáldus vuolgá sajáiduvvan johtinluodda Bahtejávrái, mii lea Leammi álbmotmeahcis.

Sajáiduvvan máđijat

  • Bahtejávrái, mii lea Galbmagáldus, Leammi álbmotmeahcis, manná sullii 10 km guhkkosaš bálggis. Vuolginbáikin lea Galbmagáldu, gosa beassá biillain Njunnása gilis. Bálggis ii leat merkejuvvon, muhto dat vuhtto eatnamis bures. Galbmagáldojoga rastá lea ráhkaduvvon šaldi. Álggos ferte mannat sihke davás ja Bievrrášjávrri meahcceguovllu guvlui. Ovdalgo boađát Buljju meahcceguvlui, Bahtejávrri johtolagas earrána bálggis gurut guvlui Jorbavárrái. Bahtejávrri johtolat manná nuorttás. Johtolat manná Bealdoduoddara lullevieltti mielde lahka Gazzabealjávrri ja nohká Bahtejávrri gáddái, mii lea Leammi álbmotmeahcis. Jávrri lahka lea boazosápmelaččaid stohpu, mii lea lohkas. Stobus sáhttá joatkit viidáseappot, muhto das ovddosguvlui ii vuhtto šat čielga johtolat. Johtolat oidno Leammi 1:50 000 gárttas.