Davvi-Sámi luondduguovddáš Siida

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.
1.10.2020
Siidda viiddideapmi ja vuođđodivvun. Siida-ráhkadus vuođđodivvojuvvo ja viiddiduvvo 2020 – 2022 ja čájáhusat ođasmuvvet. Loga lasi Siidda siidduin.
destination-hero-default-alt

Bures boahtin Siidii

Siiddas  doibmen Meahciráđđehusa Luondduguovddáš ja Sámemusea ovttas.  Siiddas don oaččut maid Meahciráđđehusa máŋggabealat áššehasbálvaleami. Siidda vuođđočájáhus muitala luonddu, olbmo ja kultuvrra gaskavuođain Sámis. Vuođđočájáhusa leat Sámemusea ja Luondduguovddáš buvttadan ovttas.

Vuođđočájáhusas sámiid kultuvra ja davviguovllu luondu čatnaseaba oktii oktan čájáhusollisvuohtan, mii fállá muosáhusaid, visuála vásihusa ja maiddái ollu dieđu. Olgomusea lea rabas geassi. Suohtas kafea-restoráŋŋa Sarridis sáhtát finadit vuoiŋŋasteamen ja gáfestallamin ja de fas joatkit čájáhusaide.

Siida-ráhkadus vuođđodivvojuvvo ja viiddiduvvo 2020 – 2022. Viiddidanosiide bohtet Sámemusea čoakkáldatlanjat ja restoráŋŋa. Sámemusea ja Luondduguovddáža oktasaš vuođđočájáhus ođasmahttojuvvo. Mii bálvalat ođasmahttima áigge. Rahpat vuođđodivvojuvvon ja viiddiduvvon Siidda ja ođđa čájáhusa geassemánus 2022.

Loga lasi Siidda ođastusain.

Rabasáiggit 2022

1.1.–31.3. vuossárga–lávvardat diibmu 10–16
1.4.–31.5. vuossárga–lávvardat diibmu 10–17
1.6.–31.9. juohke beaivi diibmu 9–18
1.10.–31.12. vuossárga–lávvardat diibmu 10–17

Bileahttavuovdin nohká diibmobeale ovdal giddema.

Doalahit vuoigatvuođaid rahpanáiggiid rievdadusaide.

Oktavuođadieđut

Čujuhus: Inarintie 46, 99870 Anár

Telefovdna: 0206 39 7740

Šleađgapoasta: siida@metsa.fi

Oktavuođadieđut Anár–Suoločielgi turismarávvemii Siiddas

Telefovdna: 040 168 9668

Šleađgapoasta: tourist.info@inari.fi

Almmolaččat

Gos: Davvi-Lappis Anára girkosiiddas buriid johtinoktavuođaid guoras. Loga lasi johtinoktavuođain Siidii.

Galledala: Rabas geassebajis beaivválaččat, dálvebajis gitta vuossárggaid. Bileahtta 10/8/5 €. Čájáhusoahpisteapmi máksá 120 € / joavku / 1 h, ja dat várrejuvvo ovdalgihtii.

Dahkamuš ja oaidninveara: Čájáhusat, olgomuseaguovlu, AV-čájáhusat, joavkoofelastimat, dáhpáhusat, Juvdu-bálggis (5 km). Loga lasi Siidda čájáhusain.

Heivvolašvuohta: Olles bearrašii heivvolaš máŋggabealat ja beroštahtti galledanbáiki, gos áigi hurgá johtilit iđidis eahkedii. Inva-wc, easttakeahtes lanjat siste. Luondduguovddážii ii oaččo buktit biebmoealliid. Oahpisteaddji- ja veahkkebeanaávkkástalliin lea lágaid dorvvastan riekti johtit buot sajiin, dát guoská maiddái earálágan Meahciráđđehusa stobuid, luondduguovddážiid ja daid restoráŋŋaid. 

Bálvalusat: Buori kvalitehta atnu- ja skeaŋkadiŋggat Siida Shopas, restoráŋŋa Sarrit, tuvrarávven, guolástan-, meahcástan- ja eará lobit, Anár gieldda turistarávven, WiFi-interneahtta. Soahpamušfitnodatdolliid bálvalusat fidnemis. Loga lasi Siidda bálvalusain.

Dán siiddu čujuhus lea lundui.fi/davvisamiluondduguovddas.