Gálddoaivvi meahcceguovlu

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Davvi-Lappi, Ohcejohka ja Anár
Viidodat 2924 km2, vuođđuduvvon 1991



Gálddoaivi lea Suoma viidáseamos meahcceguovlu. Geainnuhis duottarmeahcceguovllus gávdnojit hui máŋggalágan duovdagat ja eatnamat: leat ceakko čiekŋalis johkaskurččut ja njoaiddos duoddarat. Sámmotjeakki-Vádjogajeakki jekkiidsuodjalanguovlu laktása meahcceguvlui máddinoarjin. Oktilaš meahcceguovlu ii báze dušše Suoma rájiid sisa, muhto geainnuhis meahcceguovlu joatkašuvvá gitta Norgga beallai. Gálddoaivvi meahcceguovlu heive máŋggalágan johtimii-beaivemátkkis máŋga jándora bisti vánddardemiide. Guovlu lea hárjánan vánddardeaddjái hástaleaddji vánddardanguovlu, álggahalli vánddardeaddji gánnáha oahpásmuvvat guvlui hárjánan vánddardeaddji fárus.

Dán siiddu čujuhus lea lundui.fi/galddoaivi.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).