Boahtin Gevvui

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Geavu luonddumeahcci lea Gáregasnjárga–Gámas (geaidnu nr 92) ja Ohcejohka–Gámas (geaidnu nr 4, E75) geainnuid gaskkas leahkki guovllus. Gápmasis Gáregasnjárgga geainnu vuolggasadjái lea 60 km ja Ohcejoga Ganešjávrái 70 km. Avvilis mátki Gápmasii lea 73 km. Lagamus girdinšillju lea Avvilis ja ruovdegeaidnostašuvdna Roavvenjárggas.

Bálgáid vuolginsajit

Bálgáid vuolginsajit leat Ganešjávrri ja Suttesjoga parkerenbáikkiin.

Linnjábiillain Gevvui

Avvilis linnjábiillain (matkahuolto.fi, suomagillii) beassá Suttesjoga dahje Ganešjávrri lusa birra jagi, sihke Gáregasnjárggas Suttesjoga ja Ohcejogas Ganešjávrri lusa.

Girddi Avvilii

Avvila girdingiettis johtet sáhtut Anárii (kuljetusliikeilmarislant.fi, suomagillii), mas diŋgodettiin joatkkaoktavuođat gitta Geavu máđidjii. Fuomášathan, ahte báikki galgá várret ovddit beaivve diibmu 15 rádjái.

Biillain Gevvui

Suttesjoga parkerenbáiki, Karigasniementie 5648, Gáregasnjárga, Ohcejohka (geainnu nr 92). Sadji 40 biilii. Ii dálvebajásdoallu.

Ganešjávrri parkerenbáiki, Utsjoentie 2696, Ohcejohka (geainnu nr 4, E75). Sadji 20 biilii. Ii dálvebajásdoallu.

Vánddardeami maŋŋá biilla lusa beassá bussiin (matkahuolto.fi, suomagillii), dahje báikkálaš fitnodatdoallit sáhttet sirdit biilla máđija nuppe geahčái. Biillasirdinbálvalusain sáhttá gulaskuddat báikkálaš tákse- ja mátkeealáhusfitnodatdolliiguin (exploreutsjoki.fi).

Tipsa: Garvve bahkadasa ja geahča sesoŋŋaáiggiid.