Giehtaruohttasa meahcceguovlu

2.7.2021
Giđđadulvi doalvvui Vuopmegašjoga šaldi Kalohttageinnodagas ja ođđa huksejuvvo easkka 2022. Vuopmegašjoga rastá ferte dál gállit.
17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Giehtaruohttasa guovlu lea árktalaš stuorraduottarguovlu, gos duoddariid alážat loktanit badjel kilomehtera allodahkii. Suoma alimus duoddara, Háldi ala goargŋun lihkostuvvá Kalohttageinnodaga mielde. Rámššas meahcceguovllu dahket hearkin hárvenaš šattut ja eallit, maid ii sáhte deaivat gosge eará sajis Suomas. Stuorra jogat, eanut ja johkageažit oktan čoruiguin leat guolásteaddji niehkoeana.

Heivvolašvuohta: Heive buot hárjánan vánddardeddjiide ja guolásteddjiide. Dakkáriidda geat eai leat nu hárjánan, sáhttet oažžut vásáhusa eallinahkái beaivetuvrrasge.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).

Dán siiddu čujuhus lea lundui.fi/giehtaruohtas.