Suoma luondduguovddáš Haltia

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.
destination-hero-default-alt

Suoma luondduguovddáš Haltia čohkke Suoma luonddu bearraliid seamma robi vuollái. Haltia lea verrát min riikka buot álbmotmehciide ja buktá Suoma luonddu vásihanláhkai buot áiccuiguin. Áibbas ránnjás lea gávpotguovllu álbmotárdna, Nuuksio álbmotmeahcci, man jávrrit, vuovddit, vákkit, jeakkit ja bávttit ráhkadit dievaslaš birrasa tuvrii. Haltia fállá maid alladási dáhpáhus- ja restoráŋŋabálvalusaid. Luondduskuvla fállá earenoamážit badjedásseahkásaččaide movttiidahtti reaissuid Nuuksio lundui.

Heivvolašvuohta: Heive earenoamážit olles bearrašii. Olles Haltia lea easttakeahtes, lanjain maiddái inva-wc. Lagas birrasis easttakeahtes luonddubálggis 2 km. Haltia čájáhussii ii oaččo buktit biebmoelliid. Restoráŋŋa terássii oažžu buktit biebmoelliid restoráŋŋa lanja bokte.

Dán siiddu čujuhus lea lundui.fi/haltia.