Kalohttageinnodat

2.7.2021
Giđđadulvi doalvvui Vuopmegašjoga šaldi Kalohttageinnodagas ja ođđa huksejuvvo easkka 2022. Vuopmegašjoga rastá ferte dál gállit.
17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.
destination-hero-default-alt

Davvi-Lappi, Eanodat, Giehtaruohttasa meahcceguovlu ja Mallá luonddumeahcci

 

 

Kalohttageinnodaga ollesguhkkodat lea 800 km, mas sulaid 70 km manná Eanodaga Giehtaruohttasis, 380 km Norgga ja 350 km Ruoŧa bealde. Go geinnodat lea liiggás guhkki johttit ovttatmano, dan gánnáha mannat gaskka hávális.

Geinnodaga vuolgin- ja geahčebáikkit leat davvin Norgga Guovdageainnus ja lullin Norgga Sulidælmás dehe Ruoŧa Huhttámis. Suomas geinnodat manná Giehtaruohttasa meahcceguovllu ja Mallá luonddumeahci čađa ja geinnodahkii beassá Gilbbesjávrres.

Geinnodaga guoras leat máŋggabealálaš davviriikkalaš duottareatnamat, dego duottarbadjosat, maid lea álki johtit, šattolaš soahkevuovddit, jiehkit ja ceakkoávžžit. Máŋgga sajes leat valjis duottaršattut.

Suoma beale oassi Kalohttageinnodagas lea geassevánddardangeinnodat ja geinnodaga buoremus vánddardanáigin ávžžuhuvvo áigi suoidnemánu álggu rájes gitta čakčamánu beallemuddui.

Suoma bealde guovllu dikšu:
Meahciráđđehus, Lappi Luonddubálvalusat (Lapin Luontopalvelut).

Dán siiddu čujuhus lea lundui.fi/kalohttageinnodat.

Áššehasbálvalus

Gilbbesjávrri luondduguovddáš
99490 Gilbbesjávri
Tel 0206 39 7990
Šleađgapoasta
kilpisjarvi(at)metsa.fi

Duottar-Sámi luondduguovddáš

Gieđas telefovdna, mas oidno Retkikartta.fi. Raba Kalohttageinnodaga kártta Retkikartta.fi:s (suomagillii).