Boahtin Leammái

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Leammi álbmotmeahcci lea Anár–Gihttel geainnu (nr 955) ja Anár–Áŋŋel geainnu (nr 9553) gaskkas. Leammái Njurggoluktii lea mátki Anáris 47 km ja Gihttelis 160 km. Lagamus girdišillju lea Avvilis.

Meahccereaissu vuolginsajit

Meahccereaissu vuolginsajit leat párkerenbáikkit Njurggoluovtta gilis sihke Riebanjogas. Bálgáid álgogeažit.

Almmolaš fievrruiguin

  • Leammái ii beasa almmolaš fievrruiguin.

Biillain Leammái

Njurggoluovtta parkerenbáiki, Lemmenjoen kylätie 107, Anár (geainnu nr 9551).
Parkerensaji luoddaearru jorgala gurut guvlui sullii kilomehtera vuodjima maŋŋá. Sadji lea sullii 25 biilii. Dálvebajásdoalu áigge parkerensadji lea unnit.

Riebanjoga parkerenbáiki, Kittiläntie 7426, Anár (geainnu nr 955). Sadji lea sullii 8 biilii. Dálvebajásdoalu áigge parkerensadji lea unnit.

Linnjábiillain Anárii

Anárii mannet beaivválaččat linnjábiillat (matkahuolto.fi, suomagillii) Roavvenjárggas, Ohcejogas, Gáregasnjárggas ja Gihttelis (Soađegili bokte). Lagamus táksset leat Anáris ja Leammis.

Girddi Avvilii

Avvila girdingiettis johtet sáhtut Anárii (kuljetusliikeilmarislant.fi, suomagillii), ja diŋgomiin maiddái joatkkaoktavuođat gitta Njurggoluktii. Fuomášathan, ahte báikki galgá várret ovddit beaivve diibmu 15 rádjái.