Njuohttejoga vánddardanjohtolat

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.
destination-hero-default-alt

Nuorta-Lappi, Suovvaguoika, UK-álbmotmeahcci

 

UK-álbmotmeahci nuortalulágeahčen áibmadas ávžžis golgá Njuohttejohka. Njuohttejohka lea guovllu eanemus čalbmáičuohcci mearka jiekŋaáiggis.

Njuohttejohka geasuha sihke guolásteaddjiid ja vánddardeaddjiid. Joga goabbat bealde manná Njuohttejoga vánddardanjohtolat juogo alla dearpmi dahje gátti mielde, muhtumin vuovddisge. Johtolaga sáhttá vázzit birra, goas dan ollesguhkkodahkan šaddá 40 km. Johtolat lea meahccái merkejuvvon geassejohtolat, man guoras leat dolastallanbáikkit, lávut ja ávdin- ja várrenstobut. Dasa lassin johtolaga guoras leat guokte várdostealli, main lea hui várdu birasguovlluide. Kummalehdonoja goabbat bealde lea suhkkes šattolašvuohta ja áibmadas boares vuovddit addet vánddardeaddjái geasuheaddji meahccedovddu. Johtolat lea merkejuvvon meahccái oránšaivnnat málamearkkaiguin.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).

Dán siiddu čujuhus lea lundui.fi/njuohttejohka.