Kattila guovllu ráhkkanusat

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Váldoviessu

Kattila fiinna váldoviessu lea huksejuvvon 1930-logus ja das lea ivdnás historjá. Váldovissui čáhket dan máŋggabealat lanjaid dihte juobe 50 olbmo joavku. Idjadansaji lea oktiibuot 16 olbmui.

Sávnnit

Kaitlampi gáttis lea várremis gáddesávdni. Kattila sávdni lea vuogas, fiinna báiki eahketdoaluide, gos lea vejolašvuohta várret el-rávdnjesávnni lassin maid suovvasávnni.

El-rávdnjesávnni lávddiid ala čáhket oktanis sullii 10 olbmo ja suovvasávnni lávddiide sullii 5-6 olbmo. Elrávdnjesávnniin seamma visttis lea gárvodanlatnja, rišodanlatnja, hivsset, orrunlatnja, muorraomman ja unna gievkkanaš ja olgoterássa.

Toarpa

Kattilas lea várremis maid toarpa, mii lea earenoamáš báiki ovdamearkka dihte unnajuovllažiid dahje čoahkkimiid ordnemii.

Toarppas lea okta kámmár ja stohpu, gos lea málestančiehka. Stobus lea stohpobeavdi ja beaŋkkat, muorraomman ja sadji čoahkkinrusttegiidda. Stohpui čáhket čohkkat juobe 35 olbmo.

Goahti

Kattilas lea várremis goahti, mii lea oaivvilduvvon buohkaid daid atnui, geat dan dáhttot. Guovdu goađi lea dollasadjin golbma goahtegievkkana. Beaŋkkaide čáhket čohkkat juoba 70 olbmo. Goađi čađamihttu lea 9 mehtera.

Kattila guovllu viesuid várremat ja gažadeamit

Green Window Oy (greenwindow.fi, suomagillii), 040 7506 001.