Perämeri oaidnámušat

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Govva: Heli Suurkuukka.

Guolástandoarjjabáikkit

Álbmotmeahci bivnnuheamos oaidnámušat leat boares, liekkus guolástandoarjjabáikkit Selkä-Sarvi, Iso-Huituri ja Pensaskari sulluin. Doarjjabáikkiin leat seilon boares visttit ja ráhkadusat dego fierbmegoikadanstellegat muitun árbevirolaš guolástankultuvrras. Selkä-Sarvi máttageaži guolástandoarjjabáikkiin lea lassin pooki dahjege dovddaldatdoardna  (arbevirolaš mearramearka) ja geđggiide derpojuvvon beaivvášdiimmut.

Selkä-Sarvi máttageaži guolástandoarjjabáikkiin lea ovddeštuvvon Ailinpieti guollestohpu, mii lea eret 1860-logus.

Bismmageađgi

Iso-Huituris lea stuorra 1300-logus geđggiin ráhkaduvvon rádjemearka, Bismmageađgi, Upsala ja Turku bismmaid logádasaid čáhcerádjá.