Váhčira johtinoktavuođat ja kárttat

17.1.2022
Oahpásmuva koronadorvvolašvuođarávvagiidda ovdal go vuolggát tuvrii dahje galledat luondduguovddážiin.

Liminganlahti luondduguovddáš lea gitta 1.1.-4.2.2022. Suoma luondduguovddáš Haltia lea gitta 10.1.-1.2.2022. Koli luondduguovddáš Ukko lea gitta 1.1.-26.1.2022. Kuusamo bálvalanbáiki Karhuntassu lea gitta 13.1.-31.1.2022.

Suoma eará luondduguovddážiin gáibidat ámadadjosuoji geavaheami ja 2 m dorvogaskka čuovvuma. Lassin anus sáhttet leat koronapássa ja/dahje áššehasmearri ráddjejuvvon. Dárkkis dieđuid luondduguovddážiid siidduin. Ráddjehusaid fámusáigi lea guvllolaš. Dárkilut guvllolaš dieđut (suomagillii) leat guovlluhálddahusdoaimmahaga siidduin.

Váhčira meahcceguovlu lea Avvilis Gápmasii manni váldogeainnu (váldogeaidnu 4, E75) nuorttabealde Anárjávrri duohken.

Johtinoktavuođat

Biillain

Váhčira meahcceguovlu lea Anára gielddas Anárjávrri nuorttabealde. Anárjávrri davábeale gátti mielde manná guovllugeaidnu nr 971 Gápmasis Njávdáma bokte Norgii (120 km). Geainnu guoras leat Bártteha, Čeavetjávrri ja Njávdáma gilit. Guovllu máttabeallai lea Avvilis Njellima gillái manni guovllugeaidnu nr 969. Geaidnu joatkašuvvá Njellimis Kessi guvlui ja muhttašuvvá Báhčaveaijoga šalddi maŋŋá meahccebiilageaidnun, mii nohká ovdalaš Geassejávrri (Kesjävri).

Almmolaš fievrruiguin

Meahccereaissu vuolginsajit

  • Vánddardeami gánná álggahit omd. meahcceguovllu lahkosiid giliin: Njellimis, Čeavetjávrris dahje Njávdámis.
  • Fanasvánddardeami gánnáha álggahit ee. Bártteha ja Njellima giliin. Goabbat sajis leat fanasluoitinsajit. Anárjávrri gáttiin leat moanat fanasluoitinsajit. Fanashámmanat leat Anáris, Veskonjárggas ja Njellimis.

Kárttat

Elektrovnnalaš kárttat

Eará kárttat

  • Čeavetjávri - Njuorggán olgolihkadankárta, 1:100 000, Karttakeskus 2014. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Anára čujuhus- ja astoáiggekárta, 1:150 000, Sámi eanamihtidandoaimmahat 2013. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Davvi-Suoma tuvrakárta (GT-kárta), 1:400 000. Kárttaid sáhttá oastit ee. Karttakeskusis ja girjegávppiin, main lea buorre válljenmunni.
  • Eanadatkárttat W512, W514 ja W523, 1:50 000, Eanamihtidanlágádus 2008 - 2009. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Anárjávrri fanastallankárta, 1:50 000, Mearrajohtinlágádus 2011. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.

Kárttaid vuovdinbáikkit

Gieđas telefovdna, mas oidno Retkikartta.fi. Raba Váhčira meahcceguovllu kártta Retkikartta.fi:s (suomagillii).

Parkerenbáikkit

  • Kessintie, Njellim (Anár)
  • Sevettijärventie nr 971, Čeavetjávri (Anár)
  • Sevettijärventie nr 971, Njávdán (Anár)