Háldi, várrenstohpu

Tiipa

Várrehusstohpu, 12 olbmui

Fuomáš, ahte koronadili dihtii várrenstobuid seaŋgabáikkiid leat geahpedan beallái, muhto geahpedeapmi ii oidno stobu várrenkaleandaris! Ovtta jovkui stobu sáhttá várret ollásit.

Sajádat, gárttat ja oppalaš govvádus

Davvi-Lappi, Eanodat gielda (enontekio.fi, suomagillii), Giehtaruohttasa meahcceguovlu

Stobu koordináhtat: Euref-Fin (~ WGS84) lat: 69° 17.1802' lon: 21° 16.0864' ETRS-TM35FIN; P: 7696874 I: 274025.

Ovddeš rádjegozáhusa stohpu lea Háldi lulábeale jávrri davvigáttis, sulaid 1,5 km geahčen Kalohttageinnodagas. Vuođđodivvun dahkkojuvvon jagi 2003.

Kalohttageinnodaga gárta
Háldi - Gilbbesjávri olgolihkadangárta / Halti - Kilpisjärvi ulkoilukartta 1:50 000 
Retkikartta.fi (suomagillii)

Haddi ja várrehusat

12 € / idja / olmmoš (sis 10% alv).

Várrehusat: Gilbbesjávrri luonddudállu, 99490 Gilbbesjávri, tel. 0206 39 7990. Várrehusat, go luonddudállu lea gitta: Duottar-Sámi luondduguovddáš, Goddeluodda 15, 99400 Eanodat, tel. 0206 39 7950.

Čoavdagiid sáhttá viežžat Gilbbesjávrri luonddudálus dan rabasorrunáiggiid, muđuid Duottar-Sámi luondduguovddážis.

Biergasat

Kamiidna ja gássaomman. Vealtameahttun vuoššanlihtit (gievdni, báiste, gáffebánno). Geardeseaŋggat, main guottat, bolstarat ja filttet.

Fuopmášumit

Stohpui ii oaččo buktit biebmoelliid.
Vistti nuppi geažis lea ávdinstohpu / 8 olbmo.

Bázahusfuolahus

Stobus eai leat ruskalihtit. Juohke stobu geavaheaddji buktá iežas bázahusaid eret meahcis. Loga lasi ribahis vánddardeamis.

Fuolahusas vástida

Meahciráđđehus, Lappi Luonddubálvalusat. Lassidieđut Duottar-Sámi luondduguovddáš, tel. 0206 39 7950.

 

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Háldi várrenstobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi