Hirvás, láigostohpu

Hirvás stohpu lea Lätäseno gáttis, Giehtaruohttasa meahcceguovllu váibmosis. Dálvit stohpui beassá čuoigga dahje mohtorgielkkáin, geassit vácci, meahccesihkkeliin dahje girddi. Guovlu lea erenoamážit guolásteaddjiid oiddoláš báiki.

Sajádat

Davvi-Lappi, Enodat (enontekio.fi, suomagillii), Giehta-ruohttasa meahcce-guovlu

Stobu koordináhtat: Euref-Fin (~ WGS84) 68° 53.3825' lon: 22° 11.4414' ETRS-TM35FIN; N: 7649631 E: 306860

Ránnján lea 450 m geahčen Hirvasvuopio ávdinstohpu.

Gárttat

Giehtaruohttasa meahcceguovllu kárta
Halti-Kilpisjärvi olgolihkadankárta, 1:50 000
Duovddakárta nr W343 1:50 000 / (Maastokartta nro W334 1:50 000)
Retkikartta.fi (suomagillii)

Haddi

250 € / jnd. dahje 1500 € / vahkku. Hattit sis. 10% alv.

Čoavdagiid

Čoavdagiid sáhttá viežžat máksoguitte vuostá Gilbbesjávrri luonddu-dállu
dahje Neste Kilpisjärvi, Käsivarrentie 14205, 99490, Kilpisjärvi, tel. 010 320 4771, neste.kilpis(at)gmail.com
dahje Arctic Knife gávpis, (Muoniontie 1632, 99320 Kätkäsuvanto,tel. 0400 695 796)
dahje Duottar-Sámi luondduguovddáš, tel. 0206 39 7950.
Dárkkis rabasáiggiid čoavdaga viežžansajis ovddalgihtii. Čoavdda máhcahuvvo seamma sadjái.

Biergasat

Stobus lea vuoššannurki, guokte gearde-seaŋgga, main vuolleseaŋga guovtte olbmui, lovttas guokte seaŋgga. Bartaisidis lea sierra latnja, gos lea geardeseaŋga. Barta liggejuvvo muorain, čuovgan gintalat, borramuša ráhkadeami várás gássauvdna/uvdna.

Sierra gáddesávdni, giellir, áiti ja olgohivsset ja guokte fatnasa.

Stobus lea ruskabáiki. Vánddardeaddjit galggašedje ieža buktit bázahusaideaset eret meahcis. Loga lasi ribahis vánddardeamis.

Fuopmášumit

Gilbbesjávrái lea mátki 70 km. Dobbe lea gávpi, boaldámušjuohkin ja restauraŋŋa. Meahciráđđehusa Gilbbesjárvrri luonddudállu lea rabas sesoŋgaáigge giđas čakčii. Káresávvonii mátki 60 km. Dobbe lea lagamus boaldámušjuohkinbáiki, restauraŋŋa sihke gávpi. Maiddái Ruoŧa bealde Karesuandos leat bálvalusat. Eanodaga girkosiidii Heahttái lea mátki 120 km. Heahtás lea girdingieddi, Duottar-Sámi luondduguovddáš sihke eará bálvalusat.

Mohtorgielkkáin bartii johtimii dárbbašat Meahciráđđehusa váldegottálaš meahccemáđiilobi (www.eraluvat.fi, suomagillii). Lobi sáhtát oastit Meahciráđđehusa luondduguovddážis ja bálvalanbáikkiin sihke maiddái báikkálaš fitnodatdoallit.

Guođe stobu dan ortnegii, go ieš livččet čuovvovaš áššehas. Min fuolahus ii nagot dárkkistit stobuid áššehaččaid maŋŋá. Jos stohpu lea boađedettiinat čorgekeahttá, váldde oktavuođa dalán stobu fuolaheaddjái. Čorgemeahttun stobus ja šiljus gártat álo čállit rehkega.

Guolástanguovlu

Fávlesajiin guolástettiin galgá leat máksojuvvon
guollenáliiddikšunmávssu  (eräluvat.fi, suomagillii) sihke Eanodaga meahcceguovllu 1551-lohpi (eraluvat.fi, suomagillii) Lätäsenos guolástettiin galgá leat Lätäseno guolástanguovllu lohpi (eraluvat.fi, suomagillii). Lohpi vuoigadahttá guolástit guovllus Poroeno (Harrijoga njállmi rájes) - Lätäseno Vähäkurkkio (ii gula lohpeguvlui). Guolástanlobiid vuvdet Meahciráđđehusa áššehasbalvalansajiid lassin maiddái báikkálaš fitnodatdoallit.

Smávvafuođđoguovlu

Meahcástanguovlu 1613 Giehtaruohtas (eraluvat.fi, suomagillii). Meahcastanšlájat leat lagamustá rievssat ja njoammil. Beatnagiin meahcásteaddjit galget váldit oktavuođa bálgosa siiddaid isiđiidda.

Meahcástanlobiid vuvdet Meahciráđđehusa áššehasbálvalansajit, ee Duottar-Lappi luondduguovddáš.

Fuolahusas vástida

Meahciráđđehus, Lappi Luonddubálvalusat.
Lassedieđut: Duottar-Sámi luondduguovddáš tel 0206 39 7950.

 

Gieđas telefovdna, mas oidno Retkikartta.fi. Raba Retkikartta.fi:s (suomagillii) kártta, gos oidno Hirvásvuohppi láigostobu sajádat.

Vánddardanetikeahtta

1. Gudnejahte luonddu.

2. Vállje merkejuvvon máđijaid.

3. Váldde čielgasa leago gohtten lobálaš du válljen čuozáhagas.

4. Geavat dušše merkejuvvon dolastallansajiid.

5. Ruskkahis vánddardeapmi.

Loga lasi