Nuuksio rávvagat ja njuolggadusat

Rávvagat Nuuksios johtimii

Nuuksio áigeguovildilis áššit leat suomagielat fierbmebálvalusas.

• Nuuksio álbmotmeahci ortnetnjuolggadusat (julkaisut.metsa.fi, suomagillii)

Nuuksio álbmotmeahcis lea lobálaš

• johttin vácci, čuoigga dahje meallumiin vejolaš, earrát muhtun ráddjejuvvon guovllut
• murjen ja borahahtti guobbariid čoaggin
• oaggun geasset ja dálvet. Guolásteaddji: dárkkis guolástusráddjehusa (kalastusrajoitus.fi, suomagillii).
• báktegavccodeapmi ja báttiin vulos njiedjan lea lobálaš guovtti sajis (Nuuksio Pitkäjärvis ja nuorttamus Kolmoislampis) Jiekŋagivccodeapmi lea lobálaš juohke sajis álbmotmeahcis.

ráddjejuvvon

• sajusdola dahkan ja gohtten. Dat lea lobálaš dušše daidda čujuhuvvon báikkiin
• badjel viđanuppelogi (15) olbmo joavkkuid bivdit almmuhit ovddalgihtii álbmotmeahccái boahtimis. Sávaldat lea ahte ná stuorra joavkkut idjadit dušše gohttensajiin, mat leat várremis. Dat veahkeha váldit guovllu eará geavaheddjiid vuhtii.
• Eará go juohkeolbmovuoigatvuođaide gullevaš doaimmaide dárbbašuvvo eanas dáhpáhusain lohpi Meahciráđđehusas. Dakkár lobit leat ee. dutkan- ja fitnodatlobit ja stuorra dáhpáhusaid lobit. Lassidieđut lobit: dutkan- ja johtinlobit (metsa.fi) ja dáhpáhusaid lobit ja almmuhusat (metsa.fi).

gildojuvvon

• sajusdola dahkan meahccái meahccebuollinváruhusa áigge
• diktit ruovttoelliid  leat luovosnaga 
• eará go biebmoguobbariid ja muoraid, miestagiid dahje eará šattuid dahje daid osiid váldin ja vahágahttin.
• eanan- dahje báktevuođu vahágahttin ja eanaávdnasiid dahje ruvkeminerálaid váldin.
• luođus riggeelliid bivdin, goddin dahje heađušteapmi dahje daid besiid duššadeapmi
• čielgedávttehis elliid bivdin dahje čoaggi
• mohtorfievrruiguin vuoddjin, earret daidda čujuhuvvon luottain
• Ruskkaid bálkun ja ráhkkanusaid mollen.

Ovddalgihtii ráhkkaneapmi

Mátketelefovnna gullon

• Vaikke Suoma mátkegulahallanfierpmádagat gokčet viiddis guovlluid, leat álbmotmeahci guovllus báikkiid gos telefovdna ii gullo. Dárkkis mátkegulahallanfierpmádaga doaibmama iežat telefovdnaoperáhtoris. Dan lassin leat álo guovllut gos mátketelefovdna ii gullo dahje juoga eará bokte gulahallama. Dakkár dilis sáhttá veahkehit dat ahte ovdm. manná veháš badjelii, jalges guvlui, ja/dahje váldá eret telefovnna SIM-koartta heahteriŋgema áigge. Gánnáha maid váldit vuhtii, ahte earálágan telefovnnaid gaskkas leat erohusat das, man bures dat gullojit.

Biergasat ja dorvvolašvuohta

• Nuuksio jávrebadjeeatnamiidda dábálaš iešvuohta lea stuorra allodaterohusat, mii váikkuha dasa, man hástaleaddjit johtolagat leat. Gápmagiidge gánneha válljet sihke dálkki ja eatnamiid mielde.
• Čáhcebohttala ja nisttiid gánneha váldit mielde, daningo álbmotmeahci guovllus ii leat kaféa- ja gávpebálvalusaid.
• Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
• Váldde mielde vuosttašveahkki dárbašiid.
• Vánddardeami ABC:
  • Dorvvolašvuohta (suomagillii)
  • Birrasa seasti vánddardeapmi

Sesoŋŋaáiggit

• Nuuksio bivnnuheamos tuvraáigodagat leat giđđa- ja čakčavahkkoloahpat ja maid geassi. Eanemus galledeaddjit leat Haukkalampi birrasis.