Pyhä-Luosto bálvalusat

Áššehasbálvalus ja rávven

• Pyhä-Luosto luondduguovddáš Naava
  • Nuvttá eallámušlaš čájáhus muitala Pyhä-Luosto guovllu geologiijas, luonddu ja kultuvrra sierrasárgosiin áiccuid boktimiin.
  • Multivišuvdna Skurččuin alážiidda beaivválaččat dii 11, 13 ja 15. Joavkkuide maiddái eará áiggiin, várremiid gánneha dahkat.
  • Diehtu ja rávven Pyhä-Luosto álbmotmeahcis sihke čuoigan- ja vánddardanmáđijain Pyhä-Luosto guovllus.
  • Turismainfo: Giemajávri, Pelkosenniemi.
  • Kaféa-restoráŋŋa Café Loimu: rabas 10-17
  • 200-báikki auditoria Naavasále, 12-báikki čoahkkinlatnja Luppo, ja 20-báikki luohkkálatnja Kuukkeli čoahkkinatnui.
  • Bálvalusat joavkkuide: mávssu vuostá čájáhusoahpisteamit nu rávisolmmošjoavkkuide go skuvllalaččaide.
  • Naava shop, gos gávdno máŋggalágan smávva ja ávkkálaš dávvirat johtti rehppui.

  • Ođđaseamos áššit leat suomagielat fierbmebálvalusas.

• Luosto rávvenbáiki - Lapland Hotel Luostotunturi

Ovttasbargoguimmiid fállán bálvalusat álbmotmeahcis

• Turismafitnodagaid lágidan bálvalusat álbmotmeahcis (suomagillii)
  • Čuovvovaš fitnodagat ja oktašasbargoguoimmit lágidit bálvalusaid Pyhä-Luosto albmotmeahcis. Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid (metsa.fi) doaimmadettiin álbmotmeahcis.

Boradeapmi, málestepmi ja nisttiid skáhppon

• Reaisonisttiid sáhttá skáhppot Pyhätunturi (pyha.fi, suomagillii) ja Luosto (luosto.fi, suomagillii) guovllu lahkosa gávppiin, bensinstašuvnnain ja turismafitnodagain.

Dolastallanbáikki ja stobut

• Álbmotmeahcis leat máŋggat dolastallanbáikkit. Lassin Guovžžajuhkan-láddos, Kapustas ja Baseláddos leat beaivestobut, main maiddái sáhttá gohkket. Yli-Luostos ja Huttulomas leat ávdinstobut ja Huttujärvis ja Luostos Yrjölä ja Pyhäjoki Kuukkeli láigostobut, mii leat oaivvilduvvon idjadeapmái (stobut suomagillii).
• Ragataláža goahti heive stuorátge joavkkuid vuoiŋŋastanbáikin.
• Vuovdebuollinváruhusa áigge dola oažžu cahkkehit dušše stobuid ja gođiid dollasajiide. Dola cahkkeheapmi vuovdebuollinváruhusa áigge lea gildojuvvon maiddái dolastallanbáikkiin.
• Dolastallamis merkejuvvon dollabáikkiin muitaluvvo dárkileappot Vánddardeami ABC dolastallanrávvagiin.

Juhkančáhci

• Luondduguovddážis sáhtát deavdit juhkamušboahtala.
• Ragatalážis ja Huttujärvis leat dállodoalločáhcegáivvot, maid čázi kvaliteahtta guorahallo jeavddalaččat.
• Gieračázi, dego jávrriid, jogaid ja ádjagiid čáziid, gánneha vuoššat moadde minuhta ovdal juhkama, go čázi kvaliteahtta molsašuddá guovlluid gaskka ja liekkasvuođa mielde.

Bázahusfuolahus

• Álbmotmeahci guovllus vánddarduvvo ruskkaid haga. Álbmotmeahci stobuid ja lávuid fuolahusas vástida Meahciráđđehusa gieddebargoveahka. Stobuid ja lávuid čorgatvuođa ja bázahusfuolahusa vuođđun lea goittotge vánddardeaddjiid doaimmalašvuohta. Reaissus šaddan buolli bázahusa sáhttá boaldit dolastallanbáikkis ja eallivuđolaš bázahusa sáhttá bálkestit kompostii dahje hivssega lihttái. Eará bázahusaid galgá fievrredit mielde máđijaid vuolggasajiid ekočuoggáide, main sáhttá sirret sierralágan bázahusaid dego metálla-, lássa- ja seahkalašbázahusaid. Lassidieđut ođadeamis ja bázahusfuolahusas oaččut Pyhä-Luosto luondduguovddáš Naavas ja ruskkahis vánddardeami siidduin.

Hivssegat

• Stobuin ja dolastallansajiin leat goikehivssegat.
• Pyhä-Luosto luondduguovddáš Naavas leat inva-hivssegat sihke Stuorraskurčču goađi luhtte ja Ragatalážis leat inva-goikehivssegat.

Idjadeapmi

Tealttástallan ja lávut

• Stobuid, lávuid ja gođiid šilljobiires sáhttá tealttástallat. Maiddái guovllu lávuin ja gođiin oažžu idjadit.

Ávdinstobut

• Álbmotmeahcis leat Yli-Luosto ja Huttuloma ávdinstobut (suomagillii).

Láigostobut

• Huttujärvis, Pyhänlatva-aapas ja Pyhäjogas leat láigostobut (suomagillii), maid sáhttá várret iežas atnui moatti jándorii.

Idjadeapmi lagašguovllus

• Pyhä-Luosto álbmotmeahci lahkasiin máđijaid guoras leat maiddái čuovvovaš stobut, mat eai leat Meahciráđđehusa:
  Haarainselkä (beaivestohpu), Salmiaapa (ávdinstohpu) ja Kiimaselkä (beaivestohpu).
• Luostos lea fitnodagaid ja gácciid atnui heivvolaš Metsä-Luoston bartagárdin.
• Lagašbirrasa turismaguovddážiin leat valjit idjadan- ja turismabálvalusat. Dárkilut dieđuid idjadanbálvalusain gávnnat Baseduoddara (pyha.fi, suomagillii) ja Luosto (luosto.fi, suomagillii) guovllu fierbmesiidduin ja Lappi turismaportálas (lappi.fi, suomagillii).

Dávviriid láigoheapmi

• Baseduoddara (pyha.fi, suomagillii) ja Luosto (luosto.fi, suomagillii) guovllu turismafitnodagat láigohit vánddardandávviriid.

Lámisolbmuid bálvalusat

• Pyhä-Luosto luondduguovddáš Naava bálvalusat leat ovtta dásis ja ráhkadusas leat inva-hivssegat. Ráhkadussii beassá juvlastuoluin, eaige šielmmát hehtte johtima.
• Ragatalážii doalvu parkerenbáikkis dássidis, sádduin gilvojuvvon bálggis (s. 300 m), man mielde sáhttá johtit juvlastuoluin.
• Baseduoddara boares stuolloheaissa parkerenbáikkis sáhttá juvlastuoluin johttit ovttas veahkeheaddjiin gitta Stuorraskurčču goađi lusa. Dohko lea sádduin gilvojuvvon sullii 1 km guhkes máđidja. Sihke Stuorraskurčču goađi luhtte ja Ragatalážis lea inva-goikehivsset.

Eará bálvalusat lagašguovllus

• Sihke Pyhä ja Luosto turismaguovddážiin leat valjit idjadan- ja turismabálvalusat. Lassidieđuid bálvalusain gádná Pyhätunturi (pyha.fi, suomagillii) ja Luosto (luosto.fi, suomagillii) turismaguovddážiid fierbmesiidduid lassin Pelkosenniemi (pelkosenniemi.fi, suomagillii), Soađegili (sodankyla.fi, suomagillii) ja Giemajávrri (visitkemijarvi.fi, suomagillii) gielddaid fierbmesiidduin.
• Máŋggabealat diehtu Lappi ja guovllu turismabálvalusain gávdno Lappi turismaportálas (lappi.fi, suomagillii).