Ođasvuorká

Back

Bállás-Ylläsduoddara álbmotmeahci gilgii Heahttái ohcet kafea- ja luondduturismafitnodatdoalli

3/29/19

Meahciráđđehusa Lappi Luonddubálvalusat fállá láigohuvvot Duottar-Sámi luondduguovddáža kafea-restoráŋŋalanjaid oktan rusttegiiguin ja gálvvuiguin. Fitnodatdoalli vástida kafea-restoráŋŋa bálvalusain. Fitnodatdoallái fállojuvvo vejolašvuođa hárjehit kafeadoaimma lassin maiddái luondduturismma prográmmabálvalusdoaimma Duottar-Sámi luondduguovddážis Bállás-Ylläsduoddara álbmotmeahccái ja Eanodaga birrasii dahje eará luondduguovddážii heivvolaš doaimma, dego luonddubuktagiid ja giehtadujiid válmmašteami.

Govva: Juha Kalaoja.

Vejolašvuohta geahččalit soajáidis

Duottar-Sámi luondduguovddáš lea okta Bállás-Ylläsduoddara álbmotmeahci golmma luondduguovddážis ja dat lea profilerejuvvon buktit ovdan eandalii duottarluonddu, badjesápmelaš kultuvrra, eanodatlaš mearkaolbmuid ja davvi historjá. Eanodat ja Heahttá leat rivttes Duottar-Sápmi, gos sáhttá eallit viiddis beahcevuvddiid, soahkevuvddiid ja váriid guovdu, dálvvi čuovgi skápmas ja geasseija beaivebáitagis.

Jus vásihat leat fitnodatlunddot ja gárvvis čatnasit duođalaččat áššehasaid bálvaleapmái ja leat kánske maiddái motiveren luondduturismma ovddideamis, nu dás livččii vejolaš geahččalit soajáidis suvdima.

Láigoheami vuollásaš lanjat sisttisdollet 53,5 m² sále, mas leat 40 áššehasbáiki, 41 m² gievkkana ja 10 m² bargoveaga lanjaid. Dárbbašettiin sáhttá láigohit lassin 10 m² doaimmahaga ja 20 m² galbma vuorkásaji.

Gievkkanis gávdno áššáigullevaš rusttegat kafea-restoráŋŋadoibmii sihke Arabia lihtiid ja válljejumi gievkkana luovos opmodagas. Áššehaslanjain leat stuolut ja beavddit. Láigolaš galgá skáhppot iežas goasttádusain dárbbašan eará luovos geavahanopmodaga, dego ovdamearkan kássavuogádaga.

Láigohuvvon lanjat leat seammá gáhtu vuolde luondduguovddážiin. Lanjaid leat ee. luondduguovddáža bissovaš čájáhusa, galleriijasaji ja auditoria. Luondduguovddážis doaibmá maiddái ealligovvateáhter Kino Hetta. Šiljus lea gokčojuvvon dolastallanbáiki ja geasse- ja dálvemáđidja vuolggasadji. Luondduguovddážii beassá maiddái čuoigga ja skohteriin.

Válddathan oktavuođa! Dearvvuođaiguin áššehasbálvalanoaivámuš Timo Karinen tel (040 648 6380) ja timo.karinen(at)metsa.fi.

Lassidieđut