Ođasvuorká

Back

Dálvedearvvuođat Davvi-Sámis

12/20/18

Dál lea viimmát dálvi ollen Anárii ja Ohcejoga guvlui, muhto guhká dan galggai vuordit. Vel skábmamánu loahpas ii lean muohta ja liekkasvuođat leamašan nolla goappat beale. Árabut čakčat lea muohttán moddii ja muhtun buolašbeaivige leamašan, muhto álo ođđasit ja ođđasit boahtán arvvit ja njázut leat suddadan muohttaga eret.

Juovlamánus eana lea viimmát vilggodan ja liekkasvuohta lea bisson buollaša bealde. Muohtagokčasa gassodat molsašuddá biekka jalgadin bosson duottaralážiid asehis muohtagokčasis measta 40 sentte gassa muohttagii. Anára ja Ohcejoga guovlluin leat ožžon návddašit muohttimiid gaskkas maiddái duođaid fiinna skábmabeivviid ivnniin. 

Kaldoaivis biebmanautomáhtat leat aiddo ordnejuvvon. Govva: Aimo Leppäkangas.

Guhkes ja liegga čavčča ja álgodálvvi dihtii čáhceguovlluid jiekŋagovččas lea jagiáiggi ektui čielgasit asehut, nuba várrugasvuhtii lea dárbu. Skohtermáđijaid merkema eai dán dihtii leat vel álggahan jieŋaid alde. Jiekŋadilli árvvoštallo loahppážiid maŋŋá ja merken álggahuvvo, go jieŋat leat doarvái nannosat. Áššehasdorvvolašvuođa leat bajidan eanaossodagain merkemiid ja muhtun linnjemiid buoridemiin.

Leammi álbmotmeahcis lea merken skohterluotta Njurgoluovttas Áhku stobu šiljus Gáppe-Jon báikái. Merkejuvvon ossodaga guhkkodat lea beannot kilomehtera goappat guvlui. Dát lehkkos geažideapmi fiinna beaivetuvračuozáhagas Anára guovllus juovllaid ja ođđajagi ávvudeaddjiide. Merkejuvvon guovllu olggobealde johtima galgá goittotge vel garvit, go rávdnjás báikkiin jiekŋa sáhttá lea vel rašis.

Njálla lea riikamet eanemus áittavullošaš ealli. Šlája veahkeheapmin Meahciráđđehusa Luonddubálvalusat lea ordnen njálaide biebmanautomáhtaid boaittobeale duottarguovlluide. Ohcejoga guovllus sajuštuvvon biebmanautomáhtat leat aiddo ordnejuvvon. Jus luonddus jođedettiin deaivvat automáhta lusa, lea dehálaš, ahte divttát dan leat ráfis. Biebmanautomáhtat leat dehálaččat njállii. Njálas ja dan biebmamis sáhtát lohkat lasi dán árabut almmustahtton ođđasis

Dáid smávvaođđasiid mielde Meahciráđđehusa Luonddubálvalusaid Davvi-Sámi guovllu bargoveahka sávvá Dorvvolaš ja Ráfálaš Juovlaáiggi!