Ođasvuorká

Back

Dán jagi Deatnu nuolai jieŋaidis oalle árrat

4/26/19

Deanu jieŋaid lea juohke jagi vurdojuvvon ja čuvvojuvvon luonddudáhpáhus. Iige imaš, go dán čájáhusa ovddas luonddufámuid viidodat ja olbmo geahnohisvuohta šaddet duohtan. Deanu jieŋaid vuolgimii gullevaš jietnaduovdda lea earenoamáš ja áidnalunddot vásáhus. 

Dán jagi jieŋat vulge johtui jo duorastaga eahkedis 25.4. ja muhtun diimmuid geažes jieŋat lihkadedje oppa Vuolle-Deanus. Badje-Deanus rávdnjebáikkit leat rabas muhto savvonat vel viehká dálvedilis. Dábálaččat jieŋat vulget Deanus Miessemánu álggogeahčen, ja ovddit háve jieŋat leat vuolgán Deanus cuoŋománu bealde 1980-logus.  

Jieŋaid vuolgima jođálmahtii liegga dálki beassášvahkuloahpa. Dálki lei logemat gráđa lieggasa bealde vahkuloahpa rájes ja oalgejogat boršo suddančáziiguin. Jieŋaid vuolgima maŋŋá dálki láve čoaskut.

Dán videos Deanu jieŋaidvuolgima govvii Meahciráđđehusa Davvi-Sámi álbmotmeahccehoavda Pirjo Seurujärvi.

Jieŋaid vuolgin Deanus. Video: Pirjo Seurujärvi.