Ođasvuorká

Back

Davvi-Sámi guolástanlobiid vuovdin álgá

5/16/19

Guolásteaddjiid garrasit vuordán lohpevuovdin Ohcejohkii, Anárii ja Eanodahkii álgá boahtte vahkus. Gieldda olbmot sáhttet lodnut gaskavahku 22.5. dmu 9 rájes luondduguovddážiin 40 euro áigodatlobi, mainna sáhttá bivdit stákkuin gieldda guovllu johkabáikkiin. Olgobáikegottálaččat sáhttet maŋŋebárgga 21.5. dmu 9 skáhppogoahtit čuozáhatguovdasaš jándorlobiid Eräluvat-neahttabálvalusas dahje bálvalannummiris 020 69 2424.

Avviljohka. Govva: Tuija Kangasniemi/MH.

Guolástanáigodat álgá eanaš oasis johkaguovlluin 1. Geassemánu. Vuovdima álggaheapmi dán jagi lea maŋŋonan. Riikkabeaivvit mearridii guolástanlága nuppástusas njukčamánus, man maŋŋá Meahciráđđehus ráđđádalai báikkálaččaiguin ja Sámedikkiin guollebivddu ordnemiin.
Dán maŋŋá Meahciráđđehus sáhtii addit ođđa dihtomearremearrádusa, mas čovde guolástanlobiid eanemusmeriid. Vuovdima leat sáhttá álggahit easkka, go váidináigi mearrádusa maŋŋá lea nohkan ja eana- ja meahccedoalloministeriija lea nannen gieldda olbmuid johkalobiid hatti. Haddi lea 40 euro.

Ohcejogas, Anáris dahje Eanodagas bissovaččat ássan gieldda olbmot sáhttet lodnut gaskavahku rájes áigodatlobi jogaide, mat leat dápmoha ja luosa goargŋunguovllut. Vuolleahkásažžii lohpi lea nuvttá. Lobiid mearis eai leat dihtomearit, nuba dan sáhttet lotnut buot báikkálaččat. Báikkálaččat sáhttet lotnut áigodatlobis Davvi-Sámi luondduguovddáš Siiddas ja Meahciráđđehusa Avvila bálvalanbáikkis ja Duottar-Sámi luondduguovddážis Eanodagas.

Olgobáikegotti olbmot sáhttet oastit jándorlobiid čuozáhagaid guovdu Davvi-Sámi jogaid. Dáin lobiin leat dihtomearit. Dáid lobiid sáhttá skáhppot 21.5. dmu 9 rájes Eräluvat.fi-neahttabálvalusas dahje bálvalannummiris 020 69 2424.

Gieldda olbmuid nuvttá guolástanlohpi Ohcejogas, Anáris ja Eanodagas lea ain fámus stáhta čáziin, mat leat eará guovllut go luosa ja dápmoha goargŋunčázit. Nuvttá lohpi eará guovlluide guoská vuogga- ja bivddusguolásteami. Mávssu vuollásaš johkalohpi guoská fas dušše vuoggabivddu.
Buot guovllut, maid lobit gusket, oidnojit Meahciráđđehusa Eräluvat.fi-bálvalusas. Lassin Meahciráđđehus almmustahttá áššehasaide Tuikki-bláđi spesiálanummira Davvi-Sámi guollebivddus.

Lassidieđut