Ođasvuorká

Back

Lappis ordnejit dán jagi ávdinstobuid

4/4/19

Meahciráđđehusa Luonddubálvalusaid divššus ja vánddardeaddjiid anus lean ávdin-, beaive- ja várrenstobuin divvojuvvojit 12. Vuorus leat Ádjájoga, Hietalahti, Kaltiolampi, Kapusta, Keimiöjärvi, Megonjávrri, Montelli, Muorravárki, Roabi, Tappuri ja Vellisärpimä stobut. Oassi divvumiin dahkkojuvvo riikkabeivviid stobuid ordnemii čujuhan sierramearreruđain.

Stobuid divvunáiggiin almmuhuvvo stobuid neahttasiidduin seammás go dat lea dieđus, ja dalle vánddardeaddjit galget ráhkkanit idjadit tealttás dahje eará stobuin.

Oainnus Keimiöjärvi ávdinstobu láseráiggis. Govva: Heikki Sulander.

Giehtaruohttasis Ádjájoga ja Roabi stohpu ortnegii jo cuoŋománus, Megonjávri miessemánus

Ádjájogas ja Roabis divvunbargguin leat áššidovdi eaktodáhtolaččat ja cuoŋománus. Ádjájoga ávdinstohpu lea gáhtudivvuma dihtii eret anus 15.-30.4. ja Rohpi 23.-26.4. Roabis ođasmahttet earret eará láhtti. Meahciráđđehusa veahka ođasmahttá kalohttamáđija guoras lean Megonjávrri várrenstobu áhti, alážiid ja gálvvuid 6.-17.5.2019.

Bállás-Ylläsduoddara álbmotmeahcis divvot vihtta ávdinstobu
Bállás-Ylläsduoddara álbmotmeahci ávdinstobut divvojuvvojit geassit ja čakčat. Tappuris divvot stobu vuođu ja olgoterássa. Montelis buoridit buollindorvvolašvuođa. Keimiöjärvi stohpu loktejuvvo ja vuođđodivvojuvvo muđuige. Hietalahti stohpu vuođđodivvojuvvo maiddái.

Urho Kekkonen álbmotmeahcis vuorus guokte stobu, Pyhä-Luostos okta
Urho Kekkonen álbmotmeahcis divvunvuorus leat Muorravárkki ja Vellinsärpimä stobut. Vellinsärpimä lea mihttomearri oažžut ortnegii jo miessemánus, ja Muorravárkki divvunbargguid dahket eaktodáhtolaččat geassemánus.

Pyhä-Luosto álbmotmeahcis divvojuvvo bivnnuhis Kapusta beaivestohpu, man vuođđu ja gáhttu divvojuvvo. Lassin Martimoaapa jekkiidsuodjalanguovllu Kaltiolampii gárvvásmuvvá ođđa stohpu ovddeš heajos ortnega dihtii burgojuvvon  stobu sadjái.

Lassin Giemasuorggi meahcceguovllu Uittipiekka, Muotkkeduoddara meahcceguovllu Gurdojoga ja Leammi álbmotmeahci Fášku stobuide bohtet ođđa oapmanat.

Ávdinstobut dehálaš oassi vánddardanárbevierusteamet

Meahciráđđehusa Luonddubálvalusaid divššu vuolde leat measta 250 ávdinstobu ja badjelaš 100 beaive- ja várrenstobu. Ávdinstobut leat rahpasat buohkaide luonddus johttiide ja nuvttá vuoiŋŋastanbáikkit, maid galgá ávkkástallat stobuid ja eará geavaheaddjiid gudnejahttimiin. Dehálaš lea nuppiid vuhtii váldin, go stobuin idjadat nuppiiguin seammá sajis.

Ávdinstobut eai leat oaivvilduvvon gávppálaš atnui, eaige maiddái joavkkuide. Iežas idjadanbiergasa váldin mielde vánddardeapmái lea fuolaheapmi iežas dorvvolašvuođas. Jus háliidat sihkkarastit idjadansaji, de dalle gánneha várret seaŋgasaji várrenstobus dahje olles stobu. Beaivestobut eai leat oaivvilduvvon idjadeapmái.

 

Lassidieđut

Bállás-Ylläsduoddara álbmotmeahcci ja Giehtaruohtas

  • Gieddeoaivámuš Antti Ohenoja, telefon 045 1131982
  • Huksenmeašttir Marko Huusko, telefon 040 638 6607 

Urho Kekkonen álbmotmeahcci

  • Gieddeoaivámuš Alexander Kopf, telefon 040 5378853

Pyhä-Luosto álbmotmeahcci ja Martimoaapa

  • Gieddeoaivámuš Olli Vainio, telefon 0400 925074

Lassidieđut stobuin