Ođasvuorká

Back

Meahciráđđehus fállá sámegielat luonddubajásgeassima sámeguovlluin ja gávpogiin

2/5/19
Meahciráđđehus sávvá sápmelaččaide buori sámi álbmotbeaivvi!
Meahciráđđehus nanne fálaldaga sámegielat luonddubajásgeassimii. Dát jahki lea ON eamiálbmogiid gielaid jahki ja dan dáfusge eamiálbmogiid gielaid čalmmustahttin lea eandalii dehálaš.
 
Govva: Henna Tervaniemi.
 
Sámegielat luonddubajásgeassin fállojuvvo giđđabaji áigge Anáris, Avvilis, Roavvenjárggas, Vuohčus ja Helssegis. Čakčat doaibma jotkojuvvo eará guovlluin. 
 
Sámegielat bálvalusaid fállamis lea šaddan oassi Meahciráđđehusa doaimmas sámiid ruovttuguovllus. Meahciráđđehusa doaimma oktan ovddasvástádussan gullá luonddubajásgeassin ja sámegiela čalmmustahttin. Meahciráđđehus leamašan mielde doarjumin barggu sámegielaid ovdii girjjálaš bálvalusaid lassin maiddái geavatlaččat. 
 
"Leat ordnen sámegielat luonddubajásgeassima eandalii Luondduguovddáš Siiddas, muhto maiddái eará sajiin sámis sámegielat ealligovvaleairraid ja sámegielat fuođđobajásgeassinleairra bokte jagiid 2013-2016.", muitala spesiálaplánejeaddji Kirsi Ukkonen Luondduguovddáš Siiddas.
 
Bargobájiid ordnemis Meahciráđđehus lea ráhkkanan doallat daid guovlluid mielde buot golmmain Suomas hállojuvvon sámegielain, nuortalašgillii, anárašgillii ja davvisámegillii. Muhtun bargobájiin mánáin lea vejolaš gullat maiddái iežas sámegiela lassin maiddái eará sámegiela, dego anárašgiela. 
 
Luonddubajásgeassinbáji temán lea Gieddegeaži eallin. Bargobádji lea huksejuvvon Gieddegeažis mánáidčájáhusa vuođul. Čájáhus lei sámemusea ja luondduguovddáš Siiddas 7.4.2017 - 8.4.2018.
 
Dasa lassin Meahciráđđehusa mihttomearrin lea almmustahttit ainjuo 50 dieđáhusa sámegillii sihke lundui.fi ja metsa.fi sámegielat siidduin jagi 2019. 
 
Loga lasi Meahciráđđehusa doaimmas sámekultuvrra ja sámegielaid ovdii diimmá álbmotbeaivvi dieđáhusas (www.metsa.fi).
 
Sámi álbmotbeaivvi ruohttasat ollet 6. guovvamánu 1917 Roandimis dollojuvvon vuosttas sámečoahkkimii. Dalle sápmelaččat álggahedje rájáid rasttildeaddji ovttasbarggu.
 
Lassidieđut