Ođasvuorká

Back

Muonnjagoržži loahpatge gaikojuvvon rádjestašuvnna billašuvvan eatnamat fievrriduvvojit gieđahallamii

2/28/19

Loahppage Eanodagas Giehtaruohttasis lean gaikojuvvon Muonnjagoržži rádjestašuvnna  billašuvvan eananávdnasis fievrriduvvo áššáigullevaččat gieđahallamii 4.3. rájes ja bargu joatkašuvvá goittotge moadde vahku. Mohtorgielkkáiguin vuoddjiid ja eará johttiid váruhit mašiinnain, mat johtet fievrridanjohtolagas ja maiddái daid guođđán luottain.  
Stuorimus oassi Muonnjagoržži gaikojuvvon rádjestašuvnna billašuvvan eanavuođus lea fievrriduvvon gieđahallamii juo mannan jagi, muhto loahpaid álget doalvut máttás guvlui 4.3. rájes. 

Fievrrideapmái dárbbašuvvon bargomašiinnat johtet bures váttis eatnamiin Muonnjagoržžis máttas Vuoskui. Daid johtolat ovttastuvvá Hirvasvuohppi ja Muonnjagoržži gaskkas Meahciráđđehusa Gárasavvon-Gilbbesjávri -mohtorgielkámáđidjii. Mohtorgielkkáiguin vuoddjit galget leat earenoamáš várrugasa go vudjet guovllus. Mohtorgielkámáđidjii dolvojuvvojit váruhangalbbat muittuhit fievrridanbarggus mii lea jođus. 

Siivvu dilit váikkuhit dasa, goas barggus gerget, muhto dat joatkašuvvet goittotge guokte vahkku.

Muonnjagorži jagiid galmmasin geavaheami nohkama maŋŋá

Jagis 1957 gárvvásmuvvan rádjestašuvnna geavaheapmi nogai ja ráhkadusat báhce galmmasin jagis 1991. Muonnjagorži sirdašuvai Meahciráđđehusa Luonddubálvalusaide jagi 1999. Ráhkadusat gaikojuvvojedje jagi 2014 birasministeriija nannen Giehtaruohttasa meahcceguovllu dikšun- ja geavahanplána mielde. 

Stašuvnnas lea dolin geavahuvvon olju liggemii ja šleađgga buvttadeapmái. Oasis guovllu eananvuođu ja betoŋgastruktuvrrain leat dakkáraš oljočitnačáza ja unnit mearis lossametállaid doalut, maid dihtii dat klassifiserejuvvojit leat billašuvvan. Dan lassin guovllus leat boares ruskkaid sajuštanguovllut. Láhkaásaheami mielde guovllu eanavuođu galgá ođadit. 

Muonnjagoržži rádjestašuvdna lea Giehtaruohttasa meahcceguovllus Eanodagas Norgga vuostásaš rájis, Leahttáseanu gáttis. Lagamuš geainnus lea mátki Muonnjagoržái 40 kilomehtera.
Mielddusin lean kárttas lea ossodat, gos bargoeanajohtolat ja muhtorgielkámáđidja ovttastuvvet.

Lassidieđut

  • Giddodatoaivámuš, Meahciráđđehus, Teemu Ruotsala, telefovdna 040 5713827, šleađgapoasta teemu.ruotsala(at)metsa.fi
  • Giddodatoaivámuš, rádjegozáhus, Kari Korhonen, telefovdna 0295 420 641, šleađgapoasta kari.korhonen(at)raja.fi