Ođasvuorká

Back

Norgga, Ruošša ja Suoma oktasaš Pasvik-Anár rádjaálbmotmeahcci ávvudii 10-jagi riegádanbeivviid!

12/27/18
Pasvik-Anár rádjaálbmotmeahcci lea guđa luonddusuodjalanguovllus čohkiidan oktilaš guovlu, gos suodjaluvvo dáža, ruošša ja suopmelaš luondu. Rádjaálbmotmeahcci ávvuduvvui jahkásaš Pasvik-Anár oktasašbarggu stivrenjoavkočoahkkima oktavuođas Nikelis, Ruoššas borgemánu maŋimuš vahkus. Dáid guoibmeriegádanbeivviin dollojedje ságat, gehččojuvvojedje govat oktasaš jagiin, herskostallui ja loktejuvvui cearki 10-jahkásažžii. Iežas joavku, oktasašbargoguoimmit ja čanusjoavkkut govvidedje rádjaálbmotmeahccebarggu sániiguin mávssolaš, ávkkálaš ja aktiivvalaš – nu ahte nie dat ferte leat!
 
Dán jagi lea Pasvik-Anár oktasašbarggus gergojuvvon dahkkot máŋggalágan áššit. Giđđat ja loahppageasis Báhčaveaijoga čáhcelottit leat rehkenaston, ja golmma riikkas lea fidnojuvvon loddereaissuin. Johtti govvačájáhusa ráhkadeapmi rádjaálbmotmeahci luonddu- ja kulturárvvuin lea gárváneamen. Ja dán jagi loahpa rádjai válmmaštuvvá maiddái doaibmaplána čuovvovaš logijageáigodahkii: doaibmaplána lea gávnnahuvvon erenomáš bargoneavvun stivret riikkaidgaskasaš luonddusuodjalanoktasašbarggu oktasaš ulbmiliid guvlui.
 
Govva: Pasvik zapovednik bargi.
 
Okta dain deháleamos boahtte jagi bargguin lea guovžadutkamuš, mii bargo seamma áigge Norggas, Ruoššas ja Suomas. Guovžžat leat dutkojuvvon ovtta ja seamma metodain jo jagiin 2007, 2011 ja 2015. Guovžžaid guolga- ja baikačájánasat, mat čoggojit geassit 2019, analyserejuvvojit genalaboratorias, ja ožžojuvvon bohtosat dievasmahttet dieđuid Pasvik-Beahcán-Anár guovllu guovžanális ovttaskas ealliid dásis! Lassin Pasvik-Anár oktasašbarggus álget prošeavttat, maid lea ruhtadan Eurohpá Uniovnna kránnjávuođaprográmma ENI. Olggobeale ruhtadeami vehkiin oktasašbarggus sáhttá ovddidit stuorra áššiid: ovdamearkan Báhčaveaijohkii Ruošša bealde golgi oalgejogaid sáhttá ovddeštit, Pasvik zapovednik luondduguovddážii ráhkadit bissovaš čájáhusa ja Badje-Báhčaveaijoga álbmotmeahcci oažžu ođđa oahpistan- ja galledanbáikki. 
 
Pasvik-Anár rádjaálbmotmeahccái gullevaš luonddusuodjalanguovlluid hálddašeaddjiid ‒ Finnmárkku leanaráđđehusa, Badje-Báhčaveaijoga álbmotmeahccehálddahusa, Pasvik zapovednik ja Meahciráđđehusa ‒ gaskasaš riikkaidgaskasaš oktasašbargu lea nannejuvvon EUROPARC Transboundary Parks -prográmmas. Alladássásaš oktasašbarggu mearkan lea vihtta jagi hávil fámus leahkki sertifikáhta. 
 
Lassidieđut