Anára vánddardanguovllu johtolatčilgehusat

Meahccereissu vuolginsajit

Fanastalliid bálvalusat Anárjavrris

Anára guovlu C 2015 Metsähallitus

Juvddu easttahis bálggis, 500 m/ guovlu

Vázzin Goahti Parkeransaji

Birra jagi, masa laktása 1 dii
Easttahis bálgi lea erenoamáš vuogas vánddardancuozáhat bearrašiidda.

Geasi áigge Juvdujoga gáttiin liđđotboallorásit ja čázis njuikot hárrit. Dálve áigge bálggis lea álkit johtit ja doppe leat maid čuovggat. Sáhttát maid liikostallat luondu čábbodahkii.

Govva: Tuija Kangasniemi

Vuolginsadji
Parkerensaji Gittelgeainnu (no 955) guoras, sullii 2,5 km Anára girkobáikkis, čujuhus Kittiläntie 156, Anár (Inari).

Koordináhtat: Euref-Fin (~ WGS84) lat: 68° 53.7205' lon: 26° 57.9799' ETRS-TM35FIN N: 7642693 E: 498647

Easttahis bálggis cuovvu máttábeali gátti bajás Njoammelguikii ja heaŋggošalddii. Máttabeali gátti bálgás leat Suologuoikkas Njoammelguikii cuovggat ja dat dollojuvvo dálvviid rabasin muohttagis.

Vánddardanhuksehusat
Bálgá guoras eai leat easttahis huksehusat. Jorrestuoluin beassá dolastallat Akselilávvui Suologuoikkas, muhto muorraáiti ja goikehivsset eai leat easttaheamit.

Akselinlaavu. Govva: Tuija Kangasniemi

Johtolatčilgehus
Johtolatmerken: Mearkat leat lámpástoapus.

Juvdubálgá easttahis oassi lea Gihttelgeaidnoguoras Juvdujohgáddái. Bálgá guhkkodat ovtta guvlui lea 500 mehtera.

Fuobmasumi
Bálgá guoras Akselilávu goikehivsset ja muorraáiti eai leat easttaheamit. Juvdubálgá easttahis oassi lea oassi Juvdubálgás, man guhkkodat lea oktiibuot 5,8 kilomehtera. Bálgá ala leat cohkkejuvvon máidnasat Juvdujoga johttiid ja dáhpáhusaid birra

Bieggajávrri johtolat, 1,5 km/guovlu

Vázzin Goahti Goikehivvset Parkeransaji

Birra jagi, masa laktása 1 dii
Bieggajávrri 
lea earenomáš vánddardancuozáhat bearrašiidda.

Bieggajávri lea beakkálmas rávdojávri, gos maiddái duovdagat leat fiidnát. Jávregáttis lea lávvu dolastallama ja nisttiid borrama várás, man dihte dat lea hui buorre báiki sihke geasset ja dálvit jieŋa alde oagguma áigge. 

Govva: Tuija Kangasniemi

Vuolginsadji
Bieggoaivvi parkeransajis sullii 9 km:a duohken Anára girkosiiddas. Vuos vuddjojuvvo Anáris sullii 6 km Avvila guvlui njelješgeainnu mielde ja de jorggihuvvo Bieggoaivvi alážii manni cievrageainnu ala. Cievrageainnu mielde vuddjojuvvo sullii 2,5 km parkeransajii. 

Koordináhtat: Euref-Fin (~ WGS84) lat: 68° 51.3950'lon: 27° 7.5930' ETRS-TM35FIN: N: 7638404m E: 505075m

Parkeransajji hivsset. Govva: Tuija KangasniemiVánddardanhuksehusat
Bieggajávrri lávvu, goikehivsset ja muorravisti.

Johtolatčilgehus
Johtolatmerken: bálgá leat merkejuvvon meahcceruossaid. Bálggis manná duolba duottareatnamiid mielde, main šaddet lagežat ja beazit. Ruovttoluotta máhccojuvvo seamma johtolaga mielde, goas oppa mátkki guhkkodahkan šaddá 3 km.

Fuobmasumi
Biillaid parkerensadji plovejuvvo (vuddjojuvvo) jahkásaččat guovvamánu beallemuttus.

Eará johtolagat 0-10 km

Vida áiccu luonddubálggis Roavveváris, 2,5 km

Birra jagi, masa laktása 8 dii
Luonddubálggis ii leat merkejuvvon dábálaš vuogi mielde, muhto meahcceluonddus ja guovllu historjjás muitaleaddji cuozáhagat (11) galget ohccojuvvot GPS-rusttegiin ja koordináhtaiguin.(www.luontoliitto.fi, suomagillii)

Dádjadanhárjehusat heivehit geasiáigái, muhto maid dálvit muohtagápmagat juolggis sáhttá iskkadit iežas gps-rusttega geavahandáidduid ja álššaid hástaleaddji vilttiin.

Govva: Kirsi Ukkonen

Vuolginsadji
Čujuhus: Roavvejárgeainnu geaži (Rovajärventie 765, 99870 Inari) parkerensajis.

Koordináhtat: Euref-Fin (~ WGS84) lat: 68° 52.9247' lon: 26° 46.8468' ETRS-TM35FIN: N: 7641229 m E: 491186 m

Johtolatčilgehus
Johtolatmerken: Ohcancuozáhagat leat merkejuvvon meahccái rukses muorracuolddaiguin. Ohcat leat Roavveváris ja leat molšašuddi, váttislágan eatnamiid mielde.

Fuobmasumi
Ohcat oaivvilduvvon cuozáhagaid báikkit, govvideamit ja daidda guoskevaš barggut gávdnojit bálgá pdf-diedihancállosis (5,9 Mt, www.luontoliitto.fi, suomagillii).

Roavvejávri - Ohcunvárri -johtolat, 3 km dahje 10 km/ guovlu

Vázzin Beaivestohpu Goikehivvset Parkeransaji

Dalle go muohta lea suddan, masa laktása 5 dii dahje guhkit molssaeaktu 10 dii
Oanehut johtolat lea hástaleaddji ceakkus vustolaga ja geađgás bálgá dihte. Guhkit johtolat lea álkit eatnamis.

Duottaralážis lea Ohcomačča beaivestohpu, mii lea boares buollingohcci viessu oktan várdobáikkiin. Várddus alážis leahkkasit čáppa oaidnámušat vulos gillái ja jávrái! 

Govva: Kirsi Ukkonen

Vuolginsajit
Roavvejávrri parkerensajis, sullii 15 km:a duohken Anáris. Roavvejávrái galgá vuos vuodjit Anára girkosiiddas sullii 2 km davásguvlui njelješgeainnu (E75) mielde ja dan maŋŋá jorggihit Áŋŋelgeidnui (nr 9553). Áŋŋelgeainnu mielde vuddjojuvvo sulli 3 km ja de jorggihuvvo Roavvejávrái manni cievrageainnu ala. Cievrageainnu mielde šaddá vuodjit sullii 9 km. 

Koordináhtat: Euref-Fin (~ WGS84) lat: 68° 52.9238' lon: 26° 46.8477'  ETRS-TM35FIN: N:7641227m E 491186m

Guhkit bálgát vuolgá Rivdolis Nuoraid- ja luonddumátkkoštanguovddáš Vasatokka šiljus, čujuhus Angelintie 696, 99870 Inari.

Koordináhtat: Euref-Fin (~ WGS84) lat: 68° 56.5085' lon: 26° 48.3558'  ETRS-TM35FIN: N: 7647886 m E: 492218 m 

Vánddardanhuksehusat
Ohcunvári beaivestohpu ja goikehivsset. 

Oaidnámušat
Ohcomaš-duottar ja duovdagat, mat oidnojit dan alážis šearádahkan.

Govva: Tuija KangasniemiJohtolatčilgehus
Johtolatmerken: Rukses muorracuolddaiguin ja guhkit johtolagis oránšaivdnásaš ja rukses muorracuolddaiguin.

Ohcunvári johtolaga álgooassi manná beahcevuovddis smávva jeakkážiid bokte. Maŋimuš kilomehtera áigge vánddardeaddji šaddá gakcut ceakkolágan vieltti lagešvuovddis ja de viimmat buvtteha jalges duoddarii ja duottaralážii. Duottaralážii gánnáha gakcut, dasgo doppe lea hui várddus juohke guvlui. Ruovttoluotta máhccojuvvo seamma johtolaga mielde, goas oppa mátkki guhkkodahkan šaddá 6 km. 

Fuobmasumi
Mátkki sáhttá joatkit maiddái Anára girkosiidii (9 km) dahje Rivdolii, Nuoriso & Lomakeskus Vasatokka (10 km).

Guhkit bálgá Rivdol - Ohcomaš 
Johtolat vuolgá Suolojávrri (Suáluijävri, anárašgillii) ja Gonešjávrri (Konišjävri, anárašgillii) bokte Ohcomažžii. Ruovttoluotta sáhttá máhccat seamma johtolaga mielde, goas mátki coggo oktiibuot 20 km. 

Fuobmasumi
Mátkki sáhttá joatkit maiddái Anárii, gosa mátki lea 9 km (geaža Anár-Ohcomaš bálgá) .

Bealbbejávrri meahccegirku bálggis, 5 km /guovlu

Vázzin Beaivestohpu Goahti Goikehivvset Parkeransaji

Dalle go muohta lea suddan, masa laktása 6 dii
Bálggis lea geađgái ja muorramáddagat ja veaddit váttásmahttet vázzima. 

Bielbajávrri girku lea huksejuvvon 1752-1760 ja dat lei anus 1800-logu loahpa rádjái, ja dalle girku lei Anára guovddáš báiki. Girkus dollojuvvojit moadde ipmilbálvalusa jagis ja doppe maid vihahuvvojit náittospárat.

Govva: Pasi Nivasalo

Vuolginsadji
Bálgá vuolgá 3 km:a geahcen Davvi-Sámi luondduguovddážis, Sarviniemigeainnu parkerensajis.

Koordináhtat: Euref-Fin (~ WGS84) lat: 68° 55.2854' lon: 27° 3.4706'ETRS-TM35FIN: N: 7645602 E: 502322

Vánddardanhuksehusat
Bealbbejávrri beaivestohpu ja dolastallanbáiki sihke Bealbbevuona hirsagoahti.

Oaidnámušat
Ebmos, muoras ráhkaduvvon Bielbajávrri meahccegirku, mii ain adnojuvvo ee. vihaheapmái.

Johtolatčilgehus

Johtolatmerken: rukses muorracuolddaiguin.

Govva: Kirsi UkkonenBálggis manná cáppa boares álgovuovddi cada meahcceládduid ja jávrriid guora. Johtolaga geažis lea boares girkogieddi, man birra leat luondduniittut. Girkogietti ravddas lea bures seilon Bealbbejávrri girku. Ruovttoluotta sáhttá máhccat seamma johtolaga mielde, goas johtolaga ollesguhkkodahkan šaddá 10 km. Girku luhtte rohtte maiddái bálggis Bealbbevutnii (Piälppáávuonâ, anárašgillii), gosa lea 3 km. Bealbbevuonas lea fanashámman, hirsagoahti ja dolastallanbáiki.

Fuobmasumi
Fanasjohtolat geassit Bielbavutnii (Piälppáávuonâ anárašgillii). 

Juvddu -bálggis 5,8 km riekkisbálgá

Vázzin Goahti Goikehivvset Parkeransaji

Birra jagi, masa laktása 4 dii
Bálgi lea erenoamáš vuogas vánddardancuozáhat bearrašiidda, lea oassi easttahis.

Bálgá ala leat cohkkejuvvon máidnasat Juvdujoga johttiid, dáhpáhusaid ja guolástusa birra.  Juvdujoga -bálggis lea vuosttas ja áidnaluonddubálggis, man teavsttat leat maiddái anárašgillii. Govvemis vástidaanárlaš dáiddár Merja Aletta Ranttila.

Govva: Tuija Kangasniemi

Vuolginsadji
Koordináhtat: Euref-Fin (~ WGS84) lat: 68° 54.4992' lon: 27° 0.8037' ETRS-TM35FIN: N: 7644140 m E: 500538 m

Vánddardanhuksehusat
Johtolaga guoras leat oahpistantávvala Juvdujoga vássánáiggi birra, heaŋggošaldi ja guokte dolastallanbáikki. Máttabeali gátti bálgás leat Suologuoikkas Njoammelguikii cuovggat ja dat dollojuvvo dálvviid rabasin muohttagis.

Johtolatčilgehus
Johtolatmerken: oránšaivdnásaš ja rukses muorracuolddaiguin.
Johtolat álgá Anára girkobáikkis Saarikoskentie-luottas sullii kilomehtera duohken Siida-museas. Bálggis álgá Suologuoikka geainnu gurot bealde ovdal LUKE (ovddeš RKTL) guollešaddadanlágádusa. Anára guollešaddadanlágádusa oahpistangalbba maŋŋá bálggis joatkašuvvá sullii 600 mehtera ja buvtteha vađđii, gos bálggis fas joatkašuvvá. Sullii 300 mehtera maŋŋá bálggis jorggiha gurot guvlui. Vuolginbáikkis 2.22 kilomehtera maŋŋá bálggis buvtteha Akselilávvui. Lávus Njoammelguoikka (Njuámmilcooskâs anárašgillii) šalddi lusa lea sullii 550 mehtera mátki. 

Govva: Tuija Kangasniemi

Njoammelguoikka  heaŋggošalddi maŋŋá Juvdujoga bálggis čuovvu joga davvegátti, gos leat maiddái oránša dihkát. Njoammelguoikkas Juvdujoga davábealde lea dollasadji ja lávvu. Sullii 100 mehtera geažes lávus lea boazoáidi, man maŋŋá bálggis joatkašuvvá 180 mehtera vánddardangeaidnorussii, gos ain suorrana bálggis Ohcomaš-duoddarii. Njoammelguoikka lávus sullii 1,6 kilomehtera vánddardeami maŋŋá boahtá čievrageaidnu, mii lea sullii 600 mehtera guhkkosaš. Bálggis seaggu ja joatkašuvvá vustolahkan beahcevuovdái. Loahpas dat buvtteha E75/E4 geainno lusa, veháš Davvi-Sámi luondduguovddáš Siidda davábealde.

Fuobmasumi
Davábeale bálgá ala Njoammelguoikkas (Njuámmilcooskâs anárašgillii) Hoaššaláddo (Huáššijáávráš anárašgillii) ja Hoaššaádjaga lusa lea biddjojuvvon bajildus.
Juvdujoga bálgá sáhttá vázzit maid Roavvejávrái dahje Anára Nuoraidguovddáš Vasatokkai. 

Eará johtolagat badjel 10 km

Anár - Ohcomaš -johtolat, 9 km / guovlu

Vázzin Beaivestohpu Dolastallanbáikki Goikehivvset Parkeransaji

Dalle go muohta lea suddan, masa laktása 8 dii
Viehka hástaleaddji bálggis duoddara ja geađgás bálgá dihte

Duottaraláža alde lea várddus Anárjávrri guvlui ja Bátneduoddariid, Muotkeduoddariid ja Leammi duoddariid guvlui.

Govva: Kirsi Ukkonen
 

Vuolginsadji
Anára girkobáikkis Davvi-Sámi luondduguovddáža buohta.

Koordináhtat: Euref-Fin (~ WGS84) lat: 68° 54.6441' lon: 27° 0.6185' ETRS-TM35FIN: N: 7644409 m E: 500414 m

Vánddardanhuksehusat
Ohcunvári beaivestohpu ja guokte dolastallanbáikki.

Johtolatčilgehus
Johtolatmerken: ruksesivdnásaš muorracuolddaiguin
Johtolat manná vuosttas vihtta kilomehtera boršu Juvdujoga guora boares háikavuovddi cada ja dasto álgá vuostálat. Ovdal aláža nohket beazit ja loahpas lagešvuovdige, dasgo Ohcomacca aláš lea jalgat. Jos máhccá seamma johtolaga mielde, de johtolaga guhkkodahkan šaddá 18 km.

Fuobmasumi
Alážis sáhttá joatkit mátkki maiddái Rivdolii, gosa lea 10 km (gc. Rivdol - Ohcomaš -johtolat) dahje njulget Roavvejávrái (Ruávijävri) (3 km), gosa boahtá meahccebiilageaidnu. 

Čuoiganjohtolagat

 

Juvdujoga čuoiganjohtolat, 9 km

Čuoigan Beaivestohpu Dolastallanbáikki Goikehivvset Parkeransaji

Luondduláhttu árbevirolaš čuoiganvuogi mielde

Anára girkosiidda lahkosiid vánddardančuoiganláhtut bajásdollojit guovvamánu gaskkamuttus gitta cuoŋománu lohppii. Láhtut ordnejuvvojit oktii, guktii vahkus. Giddadálvve čuoigansesoŋŋa guhkkodahkii leat váikkuheamen muohtadilálašvuodat.

Govva: Pasi Nivasalo

Vuolginsadji
Anára girkobáikkis Davvi-Sámi luondduguovddáža šiljus.

Koordináhtat: Euref-Fin (~ WGS84) lat: 68° 54.5041' lon: 27° 1.1548' ETRS-TM35FIN: N: 7644148 m E: 500772 m

Vánddardanhuksehusat
Suhpeguoikka beaivestohpu ja guokte dolastallanbáikki.

Johtolatčilgehus

Johtolatmerken: alitivdnásaš plastihkkasoabbiin
Johtolat cuovvu Juvdujoga máttabeali gátti gitta Suhpeguikii. Doppe láhttu manná joga rastá ja máhccá fas Anárii ja mohkohallá Juvdujoga davvegátti vuvddiid siste. Oanehut cuoiganmohkki (6,7 km) šaddá go manná vuos joga rastá Njoammelguoikka heaŋggo šalddi mielde (sabehiid ferte guoddit) ja de máhccá joga davvegátti mielde Anárii.

Fuobmasumi
Vánddardančuoiganláhtut bajásdollojit guovvamánu gaskkamuttus gitta cuoŋománu lohppii. Dárkkistá láhttudilli (www.luontoon.fi, suomagillii).

Anár - Ohcomaš -čuoiganjohtolat, 19 km

Čuoigan Beaivestohpu Goikehivvset Parkeransaji

Luondduláhttu árbevirolaš čuoiganvuogi mielde

Vuolginsadji
Anára girkobáikkis Davvi-Sámi luondduguovddáža buohta.

Koordináhtat: Euref-Fin (~ WGS84) lat: 68° 54.6440' lon: 27° 0.6173' ETRS-TM35FIN: N: 7644408 m E: 500413 m

Vánddardanhuksehusat
Ohcunvári beaivestohpu 

Johtolatčilgehus

Johtolatmerken: alitivdnásaš plastihkkasoabbiin
Johtolat manná Ilgadisjávrri (Ilgeejävri, anárašgillii) bokte Ohcomacca aláža ala.

Fuobmasumi
Vánddardančuoiganláhtut bajásdollojit guovvamánu gaskkamuttus gitta cuoŋománu lohppii. Dárkkistá láhttudilli (www.luontoon.fi, suomagillii).

Anár - Bealbbejávrri meahccegirku -čuoiganjohtolat, 19,5 km

Čuoigan Beaivestohpu Dolastallanbáikki Goikehivvset Parkeransaji

Luondduláhttu árbevirolaš čuoiganvuogi mielde

Meahccegirkus Anára searvegoddi lea árbevirolaččat lágidan meahccegirkus bearašgirku beassášlávvordaga.

Bealbbevuona hirsagoahti. Govva: Pasi Nivasalo

Vuolginsadji
Anára girkobáikkis Davvi-Sámi luondduguovddáža šiljus.

Koordináhtat: Euref-Fin (~ WGS84) lat: 68° 54.5984' lon: 27° 0.8934' ETRS-TM35FIN: N: 7644324 m E: 500598 m

Vánddardanhuksehusat
Bealbbejávrri beaivestohpu ja dolastallanbáiki sihke Bealbbevuona hirsagoahti. 

 
Johtolatčilgehus

Johtolatmerken: alitivdnásaš plastihkkasoabbiin
Čuoiganjohtolat manná vuos Bielbajávrri meahccegirkui manni mohtorgielkávuojáhaga mielde 6 kilomehtera ja dasto vánddardančuoiganláhttu joatkašuvvá sierra johtolahkan. Ruovttoluotta Anára girkobáikái johtolat máhccá Bealbbevuona bokte Anárjávri jieŋa mielde.

Fuobmasumi
Biekka háltti gánnáha váldit vuhtii Anárjávrri guhkes lahtu dáfus.

Sihkkelastinjohtolat

 

Boares Menešjávrrigeainnu meahccesihkkelastinjohtolat, 55 km

Sihkkelastin

Dalle go muohta lea suddan, masa laktása 1-2 bve

Govva: Tuija KangasniemiVuolginsadji
Anára girkobáikkis, Anár-Gihttelgeainnu (nr 955) guorra. Čujuhus: Gihttelgeainnu 37, 99870 Anár.

Anára guovllus eai leat merkejuvvon sihkkelgeainnut, muhto dábálaččat boares Menešjávrri geaidnu adnojuvvo sihkkelastingeaidnun. Johtolat vuolgá Anára girkobáikkis ja gávvá Solojávrái ja jorggiha fas ruovttoluotta, ladnjedallá várrevilttiid mielde Áldocuožžunoaivvi (Vaamenseisomapää, suomagillii) oarjjabeale Anára girkobáikki guvlui.

Fuobmasumi
Johtolat ii leat merkejuvvon iige doppe leat balvalusat.

Meallunjohtolagat

Anárjávri heive hui bures meallumii ja suhkamii johtolatválljemiid dáfus. Jávrri duháhat sullot fállet cáziid alde johttiide suddjes sajiid, muhto Anárjávrris gávdnojit maiddái measta juo jalges biekkusis ábit. Jávrri birra melodettiin sáhttá coggot mátki gitta sullii 250 km.
 
Govva: Tuija KangasniemiGohttensajit gávdnojit valjis Anárjávrri dadjat juo ávdin gáttiin ja sulluin. Anárjávrri sulluin lea maiddái soames ávdinstohpu, maid sáhttá atnit ávkin jávrri alde jodedettiin.
Anárjávrri alde melodettiin lea buorre muitit ahte dálki sáhttá nuppástuvvat johtilit ja danin kanohtta galggašii leat "mearradohkálaš".
Go vuolgá guhkes meallunvánddardeapmái, de galggašii leat ovddežis vánddardanmeallun-hárjánupmi. Maiddái liigeniestti gánnáha váldit mielde, dasgo heajos dálkin vánddardeapmi sáhttá bistit guhkit go lei jurddašuvvon.

 

Johtolat evttohusat

Mohtorgielkámádijat

Dálvit Anárjávrri alde johtet dábálaccat mohtorgielkkáiguin, dasgo gaskkat leat guhkit ja jiekŋa guoddá gaskamearálaccat juovlamánus miessemánnui. Merkejuvvon mohtorgielkámádijat (www.eraluvat.fi, suomagillii) mannet Anárjávrri jieŋa mielde Njellimii, Ceavetjávrái ja Avvilii. Eatnan mielde johtolagat vulget Ohcejohkii, Gáregasnjárgii ja Bátnejávrri bokte Avvilii. Johtolagaid mielde beassá gitta Jiekŋameara riddui.
 
Govva: Petteri Polojärvi
 
Vaikko jieŋa alde olgobáikegoddelašge sáhttá johtit mohtorgielkkáin friddja, de lea dorvvoleamos johtit johtolagaid mielde. Juohke jagi loahppážiid maŋŋá Anárjávrri jieŋa ala merkejuvvojit vuodjingeainnut ja jiekŋadihkát váldojuvvojit eret giđđat, sullii cuoŋománu loahpas dahje miessemánu álggus. Muhtumin juo beassážiid maŋŋá. 
 
Jos áigu johtit goikeeatnama ala lágiduvvon mohtorgielkámádija mielde, de galgá háhkat Meahciráddehusa mádidjalobi. Lobiid sáhttá oastit Davvi-Sámi luondduguovddáš Siiddas Anáris, Meahciráddehusa Avvila bálvalanbáikkis ja Meahciraddehusa nehttagávppis (www.eräluvat.fi, suomagillii).

Áššehasbálvalus

Davvi-Sámi luondduguovddáš Siida
0206 39 7740
siida(at)metsa.fi

Avvila bálvalanbáiki

Parkerensajit

  • Valtatie 4 (E75), Inarijärventie 3351, 99800 Avvil (Anár)
  • Kittiläntie 156 (geinnu no 955), 99870 Anár
  • Kittiläntie 556, 99870 Anár

Eará párkerenbáikkit