Bielbajávrri meahccegirku

Govva: Tuija Kangasniemi/MH.

Bielbajávrris guovllu SuomasDavvi-Lappi
Anár (www.inari.fi)
Anára vánddardanguovlu
 

Bielbajávri lea Anára boares guovddášbáiki. Meahccás jávrri gáttis lei dolin Anára dálvesiida, gosa olbmot čoahkkanedje dálvái ássat. Dálvesiidda oktavuhtii huksejuvvon meahccegirku jagis 1760 lea okta Davvi-Lappi boarráseamos visttiin. Rukseslágan girku ceaggá juovas ja dan birra šaddet čáppa soagit. Girkogiettis lea luondduniitu.

Bielbajávrri muoras huksejuvvon meahccegirku lea nubbi girku dákko. Ovddit girku gárvvásmuvai 1646:s, ja dat lea ollásit jávkan. Dálvesiiddasge eai leat báhcán go eanaiduvvan bázahusat soames visttis. Bielbajávrri meahccegirku oktan birrasiiguin lea riikkadásis mearkkašahtti kulturhistorjjálaš biras. Dat lea juogustuvvon maiddái eanagottidásis divrras duovddaguovlun.

Rabasáiggit

  • Bielbajávrri meahccegirkui sáhttá oahpásmuvvat birra jagi.
  • Girkui sáhttá oahpásmuvvat nuvttá.

Oktavuođadieđut

Johtinoktavuođat ja kárttat

  • Bielbajávrri meahccegirku johtinoktavuođain lea muitaluvvon Anára vánddardanguovllu siidduin.
    • Girkui rohtte bálggis Sarviniementie parkerensajis, mii lea golmma kilomehtera duohken Davvi-Sámi luondduguovddáš Siiddas das nuorttasdavás. Bálgá vuolginsajis girku lusa lea váile vihtta kilomehtera vázzit. Dihkkáduvvon johtolat manná fiinna boares álgovuovddi čađa meahcceláddožiid ja jávrriid guora.
Bielbajávrri lahkonankárta © Meahciráđđehus 2009

Elektrovnnalaš kárttat

Bálvalusat

  • Bielbajávrri meahccegirkui sáhttá iešráđálaččat oahpásmuvvat.
  • Guovllus leat beaivestohpu ja dolastallanbáiki.

Lihkadanlápmásiid bálvalusat

  • Guovllus eai leat bálvalusat lihkadanlápmásiidda.
Bielbajávrri meahccegirku dikšumis vástida Anára searvegoddi ja girku vánddardanrusttegiid ja guovllu dikšu Meahciráđđehus, Lappi Luonddubálvalusat.

Párkerenbáihki

  • Sarviniementie 247, Anár