Áššehasbálvalus ja oahpisteapmi

​​Ovttasbargobeliid fállan bálvalusat Bievrrašjávrri meahcceguovllus

Čuovvovaš fitnodagat ja oktašasbargoguoimmit lágidit bálvalusaid Heahtá guovllus ja Bievrrašjávrri meahcceguovllus. Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid (www.metsa.fi, suomagillii) doaimmadettiin álbmotmeahcis. 

Boradeapmi, málesteapmi ja nisttiid háhkan

Gávppit, kioskkat, kafeat ja restauráŋŋat

  • Eanodaga girkosiiddas Heahtás leat gáfestallanbáikkit, restauráŋŋat, gávppit ja kioskkat.
  • Leaibejávrri gilis leat kioskkat.
  • Bálojávrri gilis lea restauráŋŋa.
  • Lassidieđut Eanodaga suohkana fierbmesiidduin (www.enontekio.fi, suomagillii).

Stobut ja dolastallanbáikkit

  • Málesteapmi lihkostuvvá buoremusat ávdinstobuin, main juohkeovttas lea kamiidna.
  • Bievrrašjávrri ávdin-/várrehusstobus lea maid gássaommán.
  • Davvi-Sámis, stáhta eatnamiin, Meahciráđđehus suovvá dola cahkkeheami rissiin ja ovssiin almmá sierra lobiid haga. Eananmuoraid dehege eatnamii gahččan unnitárvosaš muoraid váldimii ja geavaheapmái dárbbašuvvo eananmuorralohpi, mii oažžu Duottar-Sámi luondduguovddážis. Ávžžuhahtti lea geavahit boares dolastallansaji go dakkára gávdná.

Meahccebuollinváruhusa áigge sajušdola cahkkeheapmi lea gildojuvvon.

Juhkančáhci

  • Čáhci lea dábálaččat meahcceguovllus juhkamii dohkálaš, muhto geassebáhkkan čáhci ávžžuhuvvo vuššojuvvot.

Bázahusfuolahus

  • Eanemusain Bievrrašjávrri meahcceguovllu ávdin- ja várrehusstobuin leat vel ruskalihtit. Galbmagáldu ávdinstobus ruskalihttit leat váldon eret. Stobu lahkosiin lea bázahusaid ordnenbáiki. Vaikko stobuin leat ruskalihttit, sávvojuvvo, ahte mátkkálaččat buktet iežaset bázahusaid eret meahcis.

Hivssegat

  • Ávdin- ja várrehusstobuin leat olgohivssegat.

Idjadeapmi

Govva: Marko Huusko

Dealttástallan

Ávdin- ja várrehusstobut

Meahcceguovllus leat guhtta ávdinstobu sihke okta ávdin-/várrehusstohpu. Ávdinstobuin sáhttá idjadit ija dehe guokte.

  • Stálojávrre ás lea Gállájávrre davábealde Stálojávrre nuortadavvigáttis.
  • Gorđejoga ás lea Čuvgesjoga davábealde Gorđevuomis Čuvgesjohkii golgi jogaža nuortagáttis.
  • Šleŋgehaga ás lea Šleŋgehaga ja Báhtevári gaskkas Čearpmatjoga gierajávrri nuortagáttis.
  • Náldejávrre ás lea Náldejávrriid geassestobuid lahka badjin Geahkkilis Náldejávrre nuortagáttis.
  • Njallastobu ás lea 11 km Bealdovuomi gilis davvinuorttasdavás Geahkkila oarjegáttis, lahka Bievrrašjávrre meahcceguovllu.
  • Galbmagáldu ás lea Skierreduoddara oarjedavábealde, Geahkkilii luoiti Galbmagáldojoga njálmmi lahka, lahka Bievrrašjávrre meahcceguovllu.
  • Bievrrašjávrri ávdinstohpu / várrehusstohpu lea Bievrrašjávrri lullegáttis, Njáppájávrris luoiti joga njálmmis. Seamma visttis lea ávdin- ja várrehusstohpu.

Idjadeapmi lahkosiin

  • Turismafitnodatolbmot láigohit barttaid Eanodaga girkosiiddas Heahtás, Njunnásis, Leaibejávrris ja Bálojávrris.
  • Dealtá- ja orrunvovdnabáikkit leat Eanodaga girkosiiddas Heahtás, Njunnásis, Leaibejávrris ja Bálojávrris.
  • Eanodaga girkosiiddas Heahtás leat hoteallat.
  • Lassidieđut Eanodaga suohkana fierbmesiidduin (www.enontekio.fi, suomagillii).

Biergasiid láigoheapmi

  • Eanodaga guovllu turismafitnodatolbmot láigohit ee. fatnasiid ja vánddardanbiergasiid, lassidieđut Eanodaga suohkana fierbmesiidduin (www.enontekio.fi, suomagillii).

Lihkadanlápmásiid bálvalusat

  • Bievrrašjávrri meahcceguovllus eai leat lihkadanlápmásiid bálvalusat.
  • Eanodaga girkosiiddas Heahtás Duottar-Sámi luondduguovddážis sáhttá lihkadit juvlastuoluin. Šilju govdejuvvon dollasadjái sáhttá johtit maid juvlastuoluin. Luondduguovddážis lea inva-hivsset.

Eará bálvalusat lahkosiin

  • Lagamus báŋkkut, aptehka ja dearvvašvuohtaguovddáš leat Eanodaga girkosiiddas Heahtás.
  • Gávppit leat Heahtá lassin maid Bealdovuomi ja Vuottesjávrri giliin.
  • Boaldámušvuovdin lea Heahtás ja Bálojávrres. Heahtás lea maid fuolahanstašuvdna.
  • Sávnnjit leat Eanodaga guovllu turismafitnodatolbmuin, lassidieđut Eanodaga suohkana fierbmesiidduin (www.enontekio.fi, suomagillii).
  • Guolástanlobit (www.eräluvat.fi, suomagillii) vuvdojuvvojit Duottar-Sámi luondduguovddáža ja neahtagávppis Eräluvat.fi.
  • Máŋggabealat dieđut Lappis ja guovllu turismabálvalusain gávdnojit Lappi turismaportálas (www.lappi.fi, suomagillii).