Johtinoktavuođat

Darvvátvári meahcceguovlu lea Eanodaga suohkana gaskaoasis. Guovllu lullerádji manná riikkageainnu 21 (E 8) davábealde. Meahcceguovllu lulleráji lahka lea Gulddáma gilli. Guovllu nuortabeale manná Heahttá-Guovdageaidnu-luotta nr. 93 man guoras leat Leaibejávrri ja Bálojávrri gilit. Davvin meahcceguovllu rádjin lea Suoma ja Norgga gaskasaš rádji.

Darvvátvári meahcceguovllu lahkonankárta © Meahciráđđehus 2007

Biillain

  • Leaibejávrri ja Bálojávrri giliide beassá Eanodaga girkogilis Heahtás go vuodjá davás guvlui dan luotta mielde, mii manná Guovdageidnui. Luotta nummir lea 93. Leaibejávrái girkogilis lea sullii 20 km ja Bálojávrái vuollil 30 km.
  • Gárasavvonii beassá álkimusat lulde riikkageainnu nr 21 mielde, mii čuovvu Suoma ja Ruoŧa ráji. Muonio gilis lea Gárasavvonii sullii 90 km. Muonio gilli lea sullii 230 km davás Roavenjárggas ja sullii 80 km Gihttelis.
  • Gulddáma gillái beassá go vuodjá Muonios riikkageainnu nr 21 mielde Guhttása gillái, mas earrána luotta Gulddámii.
  • Biillain Duottar-Sámi luondduguovddážii.

Almmolaš fievrruiguin

  • Roavenjárggas beassá linjabiillain (www.matkahuolto.fi, suomagillii) Eanodahkii. Eanodaga girkogilis Heahtás beassá geasset moadde geardde vahkus linjabiillain (www.matkahuolto.fi) Leaibejávrái ja Bálojávrái.
  • Gárasavvonii beassá juohke beaivve linjabiillain (www.matkahuolto.fi) Roavenjárggas.
  • Gihttelii beassá juohke beaivve girdiin (www.tosilappi.fi), joatkkaoktavuohta linjabiillain (www.matkahuolto.fi) dehe girdišilljotáksiin.
  • Lagamus togastašuvdna lea Roavenjárggas. Dohko beassá earret eará biilaidjatogain. Áigedávvalat (www.vr.fi, suomagillii), joatkkaoktavuohta linjabiillain (www.matkahuolto.fi, suomagillii).

Meahccereaissu vuolginsajit

  • Buorit báikkit vuolgit meahcceguovloreaissuide leat Gulddáma ja Leaibejávrri gilit nu maid Bálojávrri gili lagas guovlu. Reaissu sáhttá álggahit maid Gárasavvonis Gárasavvon-Sivajávrri-bálgá mielde.
  • Reaissuid vuolginbáikkit

Kárttat

Elektrovnnalaš kárttat

Darvvátvári meahcceguovlu čuozáhatkárta © Meahciráđđehus 2014

Eará kárttat

  • Eanodaga oahpistan- ja áhpásnuvvankárta 1:100 000, Lapin maanmittaustoimisto 2010. Gárttaid sáhttá oastit Duottar-Sámi luondduguovddážis.
  • Darvvátvári meahcceguovllu ja Leahttaseanu-Jiehtájoga jekkiidsuodjalanguovllu šattolašvuođa ja áhpásnuvvangeavaheami ráhkadusat, 1:100 000, Metsähallitus 2002. Gárttaid sáhttá oastit Duottar-Sámi luondduguovddážis.
  • Darvvátvári ja Leahttaseanu ja Jiehtájoga jekkiidsuodjalanguovllu nammarádju, 1:100 000. Metsähallitus 2002. Gárttaid sáhttá oastit Duottar-Sámi luondduguovddážis.
  • Eanadatkárta nummir V442 ja W411, 1:50 000, Lapin maanmittaustoimisto 2007. Gárta sáhttá oastit  Eananmihtidanlágádusast ja Duottar-Sámi luondduguovddážis.
  • Davvi-Suoma geaidnogárta (GT-gárta), 1:400 000, 2011. Gártta sáhttá oastit Karttakeskusis ja Eananmihtidanlágádusas

Kárttaid vuovdinbáikkit

Parkerenbáikkit

  • Kultimantie 984, Gulddáma
  • Ruijantie 2019, Leaibejávri
  • Ruijantie 2850, Bálojávri
  • Käsivarrentie 3686, Gárasavvon