Johtinoktavuođat

Geavu luonddumeahcci lea Gáregasnjárgga-Gápmasa -geainnu (geaidnu nr 92) ja Ohcejoga-Gápmasa -geainnu (geaidnu nr 4, E75) gaskkas.

Geavu johtolaga lahkonankárta © Meahciráđđehus 2007

Biillain

  • Biillain beassá johtolaga goabbat geahčái, sihke Suttesádjagii Gáregasnjárgga geaidnogurrii ja Ganešjávrái Ohcejoga geaidnogurrii. Dáin báikkiin leat maiddái parkerensajit.
  • Báikkálaš fitnodagat fállet biilasirdinbálvalusaid (www.saamivillage.fi) Suttesádjaga ja Ganešjávrri gaskii.

Almmolaš fievrruiguin

  • Ganešjávrái lea beaivválaš linnjabiilaoktavuođat (www.matkahuolto.fi, suomagillii) sihke Ohcejogas ja Anáris.
  • Suttesádjagii leat beaivválaš linnjabiilaoktavuođat (www.matkahuolto.fi, suomagillii) Gáregasnjárggas, Ohcejogas ja Anáris. Linnjabiilla sáhttá šaddat molsut Gápmasis Ohcejoga ja Anára guovllos boađedettiin.

Kárttat

Elektrovnnalaš kárttat

Geavu johtolaga čuozáhatkárta © Meahciráđđehus 2014

Eará kárttat

  • Eanadatkárttat nummirat W444 ja X433, 1:50 000, Eanamihtidanlágádus 2008. Kárttaid sáhttá oastit Meahcciráđđehusa Avvila bálvalanbáikkis, Luondduguovddážis Siiddas ja Eanamihtidanlágádusas.
  • Olgolihkadankárta Ohcejohka-Geavvu, 1:100 000, Karttakeskus 2012. Kártta sáhttá oastit Luondduguovddážis Siiddas, Avvila bálvalanbáikkis ja Karttakeskusis.
  • Davvi-Suoma tuvrakárta, 1:400 000 (GT-kárta). Kártta sáhttá diŋgot earret eará Karttakeskusis ja stuorát girjegávppiin.
  • Geavu luonddumeahci šattolašvuođakárta, 1:50 000 (Kevon luonnonpuiston kasvillisuuskartta), Maanmittaushallituksen karttapaino 1988. Kártta sáhttá oastit Luondduguovddážis Siiddas.

Kárttaid vuovdinbáikkit