Heahttá sajádat Suomas Davvi-Lappi
Eanodat (www.enontekio.fi, suomagillii)
 

Eanodaga girkogilli Heahttá lagašbirrasiinnis lea vuogas oahpásnuvvančuozáhat vánddardeddjiide. Guovllu bálgáin ja johtolagain sáhttá dahkat beaivemohkiid ja Heahttá sáhttá leat maid vuolginbáiki guhkit, eanet beivviid bisti vánddardanreisui. Dálvet gili birrasii ráhkaduvvojit miillaid mielde láhttut duovddačuoigama ustibiid illun.

Heahtá gili lulábeale Ovnnesjávrris vuolgá okta Sámi bivnnuheamos meallunjogain - Ovnnesjohka, mii mealluid lassin geasuha maid guollebivdiid. Ovnnesjávrri duohken ceaggá hámálaš Bassečearru, Bállás-Ylläsduoddara álbmotmeahci davimus čohkka.

Guovllu stáhta eatnamiin fuolaha Meahciráđđehus, Lappi Luonddubálvalusat, čujuhus: Goddeluodda 15, 99400 Eanodat.

Priváhta eatnamiid turismabálvalanráhkadusaid fuolaheamis vástida Eanodaga suohkan ja láhttuid fuolaheamis Ounaksen Tunturiladut ry (davvisámegillii: Ovnnesa Duottarláhttut rs.)

Áššehasbálvalus

Duottar-Sámi luondduguovddáš

puh. 0206 39 7950
tunturilappi(at)metsa.fi

 Bállás-Ylläsduottar Facebookis