Áššehasbálvalus ja oahpisteapmi

Boradeapmi, málesteapmi ja nisttiid háhkan

Kafeat, restauráŋŋat, gávppit ja kioskkat

  • Njellimis gávdno kafea-restoráŋŋa. Muđui lagamus kafeat, restoráŋŋat ja gávppit lea Avvilis.

Dolastallanbáikkit

Juhkančáhci

  • Guovllu jávrriid, ádjagiid ja jogaid čázi sáhttá dábálaččat juhkat, muhto čázadagaid čáhcekvalitehta ii leat dutkojuvvon.
  • Anárjávrri čázi hui lahka Njellima gili ii gánnet atnit juhkančáhcin, muhto golgi čázádagaid čáziid sáhttá juhkat dakkáražžan.

Bázahusfuolahus

Hivssegat

  • Dimbbarsuvdinrenne dollasaji oktavuođas lea olgohivsset.

Idjadeapmi

Tealttástallan

Giliid olggobealde sáhttá tealttástallat friddja juohkeolbmovuoigatvuođain.

Ávdin- ja láigostobut

Guovllus eai leat ávdin- eaige láigostobut.

Idjadeapmi lahkosiin

  • Idjadanbálvalusat gávdnojit Avvilis, Suoločielggis, Njellimis, ja Anáris. Lagasguovllu fitnodatdoallit fállet idjadanbálvalusaid (www.inarilapland.fi).
  • Lasi lagasguovllu idjadanvejolašvuođain sáhttá jearrat Anára gieldda turismainfos (www.inari.fi).

Biergasiid láigoheapmi

Gč. Ovttasbargiguimmiid bálvalusat Njellim guovllus suomagielat siidduin

Lihkadanlápmásiid bálvalusat

Guovvlus ii leat bálvalusat lihkadanlápmásiidda.

Fanastalliid bálvalusat

Fávllit

  • Anárjávrris lea fávlemerkemat, maid lea buorre čuovvut jávrri ollu geđggiid dihte.
  • Fávlliid dábálaš johtinčikŋodat lea 1,8 mehtera. Muhtun seakka sajiin ja gáttiid lahka johtinčikŋodat lea okta mehter. Dábálaččat jávreguovllu stobuide lea álki boahtit, muhto stobuide eai leat merkejuvvon virggálaš fávllit.
  • Anárjávrri fanaskártái (nr 480) leat fanasjohtolatfávllit ja čikŋodatgeavllit merkejuvvon.

Boaldámuša juohkin

  • Lagamus boaldámuša vuovdinsajit gávdnojit Avvilis.

Eará bálvalusat lahkosiin

  • Lagamus dearvvasvuođaguovddáš, apoteaika, ja gávppit gávdnojit Avvilis.