Mii lea lođástallan?

Lođástallan lea árvádusaid čoavdin, luonddudieđuid iskkadeapmi, orienteren ja ođđa, fiinna báikkiid gávdnan. Ulbmilin lea movttiidahttit buot tuvrralaččaid oahpásnuvvat lundui. Lođástallan lea meahccái čihkkon lođáid ohcan. Daid galgá ohcat geažideaddji rávvagiid vuođul. Lassedieđuid lođástallamis Suoma iskárlihkadusa siidduin (lodjaus.partio.net). 

Nuuksio lođáin

Nuuksios lea sáhka ođđalágan luonddubálgás, lođá-čuoggáin. Nuuksio álbmotmeahccái leat dolvojuvvon 10 bihcabáhcatmearkkain merkejuvvon lođá, mas guđedsge gávdno siste steampal ja guossegirji. Lođát leat iešguđetgelágan sajiin álbmotmeahcis, muhtumat dakkárge sajiin, gosa muđui ii soaittášii šaddat vuolgit. Nuuksio lođáin gávdno maid luonddudiehtu báikki birra, muitalusat, historjá ja vásáhusbargobihttát. Lođáid steampaliin leat bustávat, main boahtá juoga sátni Nuuksio birra, go lea čoaggán buot steampaliid.
 
Nuuksio lođá-báikkit lea miehtá álbmotmeahci ja buot báikkiin fitnamis oaččut buori ákka máŋgga beaivvi tuvrii. Lođástallamii dárbbašuvvo Nuuksio kártá, kompássa ja iežat gihpa gosa čoaggit lođáid steampaliid. Árbevirolaččat lođástallis lea maid iežas steampal, mainna sáhttá merkestit iežas galledeami lođá guossegirjái. Nuuksio jávrebadjeeatnama geologalaš tuvrakárta lea maid buorre veahkkeneavvu. 

Nuuksio geažideaddji rávvagiin

Geažideaddji rávvagat sáhttet leat divtta hámis, unna muitalusažat dahje árvalusat. Muhtun Nuuksio lođáin gávdno unna smiehttama ja vánddardeami maŋŋel. Reasta rávvagiin leat váddáseappot, maid gávdnan gáibida fihttema ja buori vuoimmi. Eanemus hástaleaddji báikkiid joksamii dárbbašuvvo maid vásáhus váttis báikkiin johtimii. Álgui beassái dábálaččat kártabargguin, muhto máŋgga lodju geažideaddji ráva leahkkasa easkka meahcis. Tuvrii sáhttá nappo vuolgit vaikke geažideaddji rávvaga ii dakkaviđe leat fihtten. Rávvagiid maŋis lea ávžžuhuvvon jahkodagat ja váttisvuođa dásit daid gávdnamii.

Čuovvovaččat ovdamearka álkeslágán, muhto vánddardeami gáibideaddji geažuheaddji rávvagis. Dát lođá lea fáhtemis buot jahkodagaid áigge, muhto báiki lea eanemus miellagiddevaš dallego ii leat muohta.
 

Máhccan

Meahci nuorttamus moložis
dávista ávžebávttis
gumpevalvvi holvun.
Báhtar návddiid davás
bijat guovdu jeakki!
Doppe du goikui láddoža gávnnat
ja roaŋkebeazis
leat ártnat.

 

Buot geažideaddji rávvagat (julkaisut.metsa.fi). Báhpiriid sáhttá laktit oktii bajit čiegas dahje dain sáhttá duddjot fiinna lođástallangihppaga.

Lohkamii dárbbašat Acrobat Readera, man sáhtát lástet Adobe (www.abobe.fi) siidduin.
 

Atte máhcahaga

Iigo lođá gávdnon dahje váilluigo doppe juoga? Makkár lei du vuosttáš vásáhus lođástallamis? Atte máhcahaga min bálvalannummárii 040 163 6200 dahje šleađgapoasttain nuuksio(at)metsa.fi.

Lođágihppa lea ođasmahtton

Nuuksio lođágihppaga dieđut leat ođasmahtton čakčat 2007. Seammás lahppon Uikku – lođá lea buhttejuvvon ođđa Telkkä –lođáin. Eará lođát leat seamma go ovdal.