Väʹččär jååʹttemõhttõõzz da kaart

Väʹččär poostaijânnamvuʹvdd lij Âʹvvlest Kammsa mõõnni väʹlddčuõkku (väʹlddčuâǥǥas 4, E75) nuõrtibeäʹlnn Aanarjääuʹr tueʹǩǩen.

Jååʹttemõhttõõzz

Aautin

Väʹččär poostaijânnamvuʹvdd lij Aanar kååʹddest Aanarjääuʹr nuõrtibeäʹlnn. Aanarjääuʹr tâʹvvreedd ǩieʹjjmieʹldd mâânn vuʹvddčuâǥǥas nââmar 971 Kammsest Njauddâm pääiʹǩ Taʹrre (120 ǩm). Čuõkku kuâŋŋsest liâ Partakko, Čeʹvetjääuʹr da Njauddâm siid. Vuuʹd saaujbeälla veekk Âʹvvlest Njeäʹllma mõõnni vuʹvddčuâǥǥas nââmar 969. Čuâǥǥas juätkkai Njeäʹllmest Kessi årra muttstõõveeʹl mâŋŋa Paaččjooǥǥ moost meäʹccauttčuâkksen, kååʹtt poott siõmmnast ouddâl Kessijääuʹr.

Takai jååʹttemniâvvain

  • Pojjsin peäss juõʹǩǩ peeiʹv Ruäʹvnjaʹrǧǧe, koʹst lij juätkkõhttõs pååʹštaautin Âʹvvla. Âʹvvlest liâ arggpeiʹvven pååʹštauttvuâr Njeäʹllma da Njauddma.
  • Jarblaanin peäss juõʹǩǩ peeiʹv Heʹlssnest Âʹvvla.

Reeisi vueʹlǧǧempääiʹǩ

  • Reissu vueʹlǧǧempäiʹǩǩen suäʹppe håʹt mâka poostaijânnamvuuʹd ââldmõs siid: Njeäʹllem, Čeʹvetjäuʹrr leʹbe Njauddâm.
  • Võõnâsmätkka vueʹlǧǧempäiʹǩǩen suäʹppe Partakko da Njeäʹllem siid. Kuhttu siidâst liâ võõnâslueʹšttempääiʹǩ. Võõnâssäätk liâ Aanrest, Veskonjaarǥâst da Njeäʹllmest.

Kaart

Neeʹtt kaart

  • Mäddmettʼteemstrooiteʹl karttpäiʹǩǩ õõlǥat registâʹttmõõžž.

Jeeʹres kaart

  • Čeʹvetjääuʹr - Nuorgam åugganjååʹttemkartt, 1:100 000, Karttkuvddlõs 2014. Kaartid vuäitt vuäʹstted Pâʹjj-Sääʹmjânnam luâđkõõskõs Siidast da Meäʹcchalltõõzz Âʹvvel kääzzkõspääiʹǩest.
  • Aanar addrõs- da virksmõõvvâmkartt, 1:150 000, Sääʹmjânnam mäddmettʼteemstrooiteʹl 2013. Kaartid vuäitt vuäʹstted Pâʹjj-Sää´mjânnam luâđkõõskõs Siidast da Meäʹcchalltõõzz Âʹvvel kääzzkõspääiʹǩest.
  • Lää´ddjânnam čuâǥǥaskartt (GT-kartt), 1:400 000. Kaartid vuäitt vuäʹsted Karttakeskukselta da ǩeʹrjjkaaupin.
  • Topograaff kaart W514, W523, W524 1:50 000. Kaartid vuäitt vuäʹstted Pâʹjj-Sääʹmjânnam luâđkkõõskõs Siidast da Meäʹcchalltõõzz Âʹvvel kääzzkõspääiʹǩest.
  • Aanarjääuʹr võõnâsmäʹtǩǩkartt, 1:50 000 Miârrjååʹttemstrooiteʹl 2011. Kaartid vuäitt vuäʹsted Pâʹjj-Sääʹmjânnam luâđkõõskõs Siidast da Meäʹcchalltõõzz Âʹvvel kääzzkõspääiʹǩest.

Kaarti kaaupšempääiʹǩ

  • Âʹvvel kääzzkõspäiʹǩǩ
  • Siida / Pâʹjj-Sääʹmjânnam luâđkõõskõs
  • Karttakeskus
  • Mäddmettʼteemstrooiteʹl

Liiŋk kääzzkõzzid da lââʹssteâđaid käunnʼje lääʹddǩiõlsai addrõõssin: