Seitseminen dálveolgolihkadeapmi

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Vázzinjohtolagat

Dálvit álbmotmeahcis sáhttá vánddardit vázzi ja muohtagápmagiiguin:

  • Luondduguovddážis álgá 2 km:a guhkkosaš riekkesmáđidja ja dat lea birrajagi anus. Máđija johtá Sikomäki ja Ahvenlammi bokte ruovttoluotta luondduguovddážii. Dálvit máđidja vuddjojuvvo mohtorgielkkáin vai dat lea álkit vázzimis.
  • Multiharju árdnaguovllu luonddubálggis, 2 km, lea vázzimis miehtá dálvvi, vaikke doppe ii leat dálvefuolahus.

Luondduguovddážis leat láigoheami várás moattit muohtagápmagat ja guovttit muorra meahccesabehat.

Amma guođát láhttu čuoigiide ja vázzát dan olggobealde!

Johtinráddjehusat

Amma muittát, ahte Multiharju ráddjehusoasis luonddubálgá vuhtiiválddekeahttá leat buotlágan johtin gildojuvvon miehtá jagi. Seammá Iso-Seitsemisjärvi ja Soljasa ráddjehusoasit leat johtingildosa vuolde 1.4. rájes lottiid bessenráfi dorvvasteami dihtii.

Čuoiganjohtolagat

Álbmotmeahci láhttu lea seakkalágan ja heive dábálaš čuoigamii. Máđidja johtá eanaš luonddus, mii lea dássidis ja álkit johtimis. Láhtuid vudjet dárbbu mielde álo bearjadagaid. Amma válddát vuhtii, ahte álbmotmeahci láhttu ii leat merkejuvvon luonddus, eaige doppe leat čuovggat. Čuoigantuvrra álggahanbáikkit leat luondduguovddáža (suomagillii) ja Kovero (suomagillii) parkerenbáikkit.

Álbmotmeahci fuolahuvvon čuoiganjohtolagat

  • Kivineva mohkki, 6 km, álgá luondduguovddážis. Mohkki lea merkejuvvon stuorra čuolddaiguin, main lea alit geahči.
    • Bálvalusat: Iso Kivijärvi dolastallanbáiki.
  • Pohjoiskierros 18 km. Láhttu álgá luondduguovddážis parkerenbáikki čiegas. Láhttu johtá luondduguovddážis Kovero ja Pitkäjärvi bokte Kivinevai ja ruovttoluotta luondduguovddážii. Nubbi álgočuoggát leat Koverona parkerenbáiki.
  • Kovero mohkki, 5 km, álgá Koveros ja mohkasta Haukilampi, Kirkaslampi ja Koverolampi bokte ruovttoluotta Koveroi.
    • Bálvalusat: Dolastallanbáikkit Koverolampis ja Haukilampis, gohkkengoavdi Kirkaslampis.
  • Eteläkierros 22,5 km. Láhttu johtá Koveros Tuulimäkii álbmotmeahci nuortaoássái ja doppe Soljasa ja Jauli bartta bokte álbmotmeahci máttabeallái Särkilampi muorjedollui. Máhccan muorjedoalus Hirviharju bokte Koveroi.
    • Bálvalusat: Dolastallanbáikkit Saari-Soljasa ja Kirkas-Soljasa gohkkengoavdi leat láhttu lahkosis. Lassin dolastallanbáikki Koverolampis.
    • Idjadeapmi, boradan ja sávnnodanvejolašvuohta Särkilampi muorjedoalus (www.sarkilammi.fi, suomagillii), mii maiddái fuolaha láhtuid bajásdoalus Tuulimäki – Kovero gaskkas.
  • Liesjärvi goallosláhttu 1,6 km. Liesijärvi goallosláhttu earrána Eteläkierrosas Tuulimäki buohta. Liesjärvi dolastallanbáikkis láhttu oovttastuvvá Pirkan Taival -láhttui.
    • Bálvvalusat: Dolastallanbáikki Liesjärvis

Ovtta ija čuoiganvánddardeapmi

  • Luondduguovddáš – Särkilampi muorjedoallu – luondduguovddáš, 41,5 km. Láhttu dahká stuorra gávcceža, mas čuigojuvvo guktii Kirkaslampis Karhukivii. Máđija  álgá  luondduguovddážis ja čuovvu Pohjoiskierrosa Koveroi. Kovero maŋŋá čuovvut Etelä-Kierrosa álbmotmeahci nuortaoassái Tuulimäkii, doppe Soljanen ja Jauli bartta bokte álbmotmeahci máttabeallái Särkilampi muorjedollui. Máhccan muorjedoalus Hirviharju bokte Koveroi, gos čuovvut Pohjoiskierrosa Pitkäjärvi bokte ruovttoluotta luondduguovddážii.

Áššehasbálvalus

0206 39 5270 vuo-bea dmu 9-15
sisasuomi@metsa.fi

Parkerenbáikkit

Luondduguovddáža luhtte Kulomäkis

  • Seitsemisentie 110, Ylöjärvi

Eará parkerenbáikkit

Vánddardančuozáhaga brošyra

Pdf 2,4 Mt (julkaisut.metsa.fi, suomagillii)

Gieđas telefovdna, mas oidno Retkikartta.fi. Raba Seitseminen álbmotmeahci kártta Retkikartta.fi:s (suomagillii).