Seitseminen rávvagat ja njuolggadusat

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Rávvagat Seitsemises johttimii

Seiseminen álbmotmeahcis lea

lobálaš

ráddjejuvvon

  • Sajusdola cahkkeheapmi ja gohtten, mat leaba lobálaččat dušše daidda čujuhuvvon báikkiin.
    • Álbmotmeahci tealtáguovllut leat oalle gáibitmeahttumat ja dat leat oaivvilduvvon ovtta stuorra jovkui háválassii. Álbmotmeahci tealtáguovllus idjadeaddji joavkkuid sávvatge almmuhit máđijaset Seitseminen luondduguovddážii. Dalle luondduguovddážis máhttet dieđihit eará joavkkuid. Liesjärvis sáhttá tealttástallat golmma beallejoavkotealttáin ja Koverolampis guvttiin beallejoavkotealttáin – daid lassin doppe lea sadji moatti smávva tealtái.
  • Sihkelasttin lea lobálaš dušše dasa čujuhuvvon johtolagain (geahča kártta, pdf, 2,5 Mt, julkaisut.metsa.fi, suomagillii).
  • Dáhpáhusaid ordnen álbmotmeahci guovllus dárbbaša álo lobi.
  • Eará go juohkeolbmovuoigatvuođaide gullevaš doaimmaide dárbbašuvvo eanas dáhpáhusain lohpi Meahciráđđehusas. Dakkár lobit leat ee. dutkanlobit ja stuorra dáhpáhusaid lobit.

gildojuvvon

  • sajusdola cahkkeheapmi meahccebuollinváruhusa áigge
  • Biebmoealliid luoitin luovos
  • Eará go biebmoguobbariid čoaggin sihke muoraid, miestagiid dahje eará šattuid ja daid osiid váldin ja vahágahttin
  • Eanan- dahje báktevuođu vahágahttin ja eananávdnasiid dahje ruvkeminerálaid váldin
  • Luonddudilálaš riggeealliid bivdin, goddin dahje heađušteapmi dahje daid besiid duššadeapmi
  • Čielgedávttehis ealliid bivdin dahje čoaggin
  • Mohtorfievrruin vuodjin earret dasa čujuhuvvon luottaid mielde
  • Ribahuhttin ja ráhkadusaid vahágahttin

Ovddalgihtii ráhkkaneapmi

Matketelefovnna gullon

  • Vaikko Suoma mátketelefonfierpmit leatge gokčevačča, álbmotmeahci guovllus sáhttet leat guovllut, gos telefon ii gullo. Dárkkis mátketelefonfierpmi gokčavasvuođa iežat telefonoperáhtoris. Dan lassin leat álo báikkit, gos mátketelefon ii gullo dahje háladeamis leat hehttehusat. Dákkár dáhpáhusas sáhttá veahkehit, jus omd. geahččala beassat eará eatnama allelebbui, jalges báikái ja/dahje SIM-koartta váldin eret heahteháladeami áigái. Gánneha maiddái váldit vuhtii, ahte earálágan telefovnnaid gaskkas leat earut gullomis.

Kafeabálvalusat

  • Álbmotmeahci guovllus leat kafea- ja kioskabálvalusat dušše luondduguovddážis.

Eatnamat ja geainnut

  • Seitseminen eana lea oalle dássidis ja álkit johttimis, allodatearut leat unnán Seitsemisharju vuhtii válddekeahttá. Jeaggeguovlluin leat rovvemuorat. Muohtahis áigge bálgáin birge viehkangápmagiiguin.
  • Álbmotmeahci máttageaži geaidnu Pitkäjärventies Sojasii lea vuodjingildosis (fuones šaldi).
  • Pitkäjärvi geaidnu ja Jaulinties earráneaddji geaidnu ii plogejuvvo dálvit.
  • Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
  • Vánddardeami ABC:
  • Ođđaseamos áššit leat suomagielat fierbmebálvalusas.
  • Váldde mielde divredusten- ja vuosttasveahkkeneavvuid.

Heahtenummir 112

Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa (pdf, 182 kt, 112.fi)Dárkilut rávvagat heahtedillái (suomagillii).

112 Suomi -mobiilaaplikašuvdna

Go heahtetelefovdnii riŋgejuvvo 112 Suomi -aplikašuvnna (112.fi, suomagillii) bokte, de heahteguovddášgohcci oažžu automáhtalaččat dieđu riŋgejeaddji sajádagas.

Lappis leat ollu báikkit gos telefon ii gullo, ja dihto telefonmállet eai doaimma buollašis. Nuba máđidjaplána oktan áigetávvaliin lea buorre almmuhit soapmásii. Gánneha doallat telefovnna liekkasin sihke biepmu ja juhkamuša fárus. Vai mátketelefovnnas ii nogaše rávdnji, váldde mielde ovdamearkan liikerávdnjerusttega, várrebáhttera dahje boares telefovnna, mas lea buorre báhtter.