Rávvagat Sipoonkorpi álbmotmeahcis johtaleapmái
Sipoonkorpi álbmotmeahcis lea
lobálaš
- johttin vácci, čuoigga, suga ja mealu
- sihkelasttin lea lobálaš juohkeolbmovuoigain
- čoaggit murjjiid ja ávkeguobbariid
- oaggun earret Byabäcken-, Ritobäcken- ja Hälsängsbäcken-jogain sihke Storträskis.
- guolásteaddji: dárkkis guolástusráddjehus "kalastusrajoitus.fi!" (https://kalastusrajoitus.fi/#kalastusrajoitus, suomagillii).
ráddjejuvvon
- sajusdola cahkkeheapmi ja gohtten, mat leaba lobálaččat dušše daidda čujuhuvvon báikkiin.
- eará go juohkeolbmovuoigatvuođaide gullevaš doaimmaide dárbbašuvvo eanas dáhpáhusain lohpi Meahciráđđehusas. Dakkár lobit leat ee. dutkan- ja fitnodatlobit ja stuorra dáhpáhusaid lobit. Lassidieđut lobit: dutkan- ja johtinlobit (metsa.fi) ja dáhpáhusaid lobit ja almmuhusat (metsa.fi).
gildojuvvon
- gittiid duolbman
- guohttu ealliid biebman ja hehtten
- sajusdola cahkkeheapmi meahccebuollinváruhusa áigge
- biebmoelliid luoitin luovos
- eará go biebmoguobbariid čoaggin sihke muoraid, miestagiid dehe eará šattuid ja daid osiid váldin ja vahágahttin
- eanan- dehe báktevuođu vahágahttin ja eananávdnasiid dehe ruvkeminerálaid váldin
- luonddudilálaš riggeelliid bivdin, goddin dehe badjelii geavvan dehe daid besiid heavaheapmi
- čielgedávttehis elliid bivdin dehe čoaggin
- mohtorfievrruin vuodjin earret dasa čujuhuvvon luottaid mielde
- ribahuhttin ja ráhkadusaid vaháguhttin
Ovddalgihtii ráhkkaneapmi
Mátketelefuvnnaid gullon
- Vaikko Suoma mátkekommunikašuvdnafierpmit leat gokčevaččat, de Sipoonkorpi guovllus sáhttet leat itkoguovllut eandalii duoddariid gaskasaš gurain. Dárkkis mátkekommunikašuvdnafierpmi gokčevašvuođa iežat telefunoperáhtoris. Dasa lassin leat báikkit, gos mátketelefuvdna ii doaimma dehe telefuvnnain leat hehttehusat. Dalle gánnáha omd. mannat allelažžii, jalges sadjái ja/dahje váldit telefovnna SIM-goartta eret heahteriŋgema boddii. Gánnáha maid váldit vuhtii, ahte sierralágán mátketelefuvnnaid gaskkas leat gullonerohusat.
Dorvvolašvuohta
- Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
- Váldde mielde vuosttašveahkki dárbašiid.
- Vánddardeami ABC:
- Ođđaseamos áigeguovdilis áššit gávdnojit suomagielalaš fierpmesiidduin.
112 Suomi -mobiilaaplikašuvdna
Go heahtetelefovdnii riŋgejuvvo 112 Suomi -aplikašuvnna (112.fi, suomagillii) bokte, de heahteguovddášgohcci oažžu automáhtalaččat dieđu riŋgejeaddji sajádagas.
Lappis leat ollu báikkit gos telefon ii gullo, ja dihto telefonmállet eai doaimma buollašis. Nuba máđidjaplána oktan áigetávvaliin lea buorre almmuhit soapmásii. Gánneha doallat telefovnna liekkasin sihke biepmu ja juhkamuša fárus. Vai mátketelefovnnas ii nogaše rávdnji, váldde mielde ovdamearkan liikerávdnjerusttega, várrebáhttera dahje boares telefovnna, mas lea buorre báhtter.
Vánddardanetikeahtta
1. Gudnejahte luonddu.
2. Vállje merkejuvvon máđijaid.
3. Váldde čielgasa leago gohtten lobálaš du válljen čuozáhagas.
4. Geavat dušše merkejuvvon dolastallansajiid.
5. Ruskkahis vánddardeapmi.