Ođđajagimánus giđđa álgá beaivváža guovlladettiin, ja skábma lea báhcán vássán jagi muitun. Gaskadálvve buollašiid ja čuovgga vátnivuođas fuolatkeahttá, jođus leat jo máŋggat čuoigit dahje juobe obbasis gállán vánddardeaddjiid.
Muohtamearri molsašuddá
Anáris muohta lea Leammi guovllus badjel mehterbeale ja Anár-Avvil guovllus fas vuollel mehterbeale, Čeavetjávrri guovllus jo badjel 70 sentte ja čáhci báikkuid jieŋa alde. Siivodilit leat hástaleaddjit. Ohcejogas lea vel unnán muohta ja datge luotkku. Urho Kekkonen álbmotmeahcis muohttaga mearri molsašuddá sierra guovlluin. Álbmotmeahci gaskaosiin muohta lea mehterbeale sulaid ja davveosiin unnit.
Jiekŋadilli lea buorre ja skohterluottaid merken lea jođus, maŋimuš jiekŋamáđijaid merkejit jáhkkimis vahkus 3 Ohcejoga ja Gápmasa guovlluin ja Anárjávrri čilggiin. Rájijovsseba skohterluodda nohká sulaid kilomehtera ovdal tuollu ráhkadusa. Luotta alde johtán galgá jorgalit ruovttoluotta. Meahciráđđehus dahká luotta linnjema ja njáskama, dasto dat merkejuvvo meahccái ja boazoáidái ráhkaduvvo verrát. Dan maŋŋá skohterluotta sáhttá fas vuodjit luoddalobiin gitta Rájijovssebii, árvvoštallojuvvon gárvánanáigetávval lea guovvamánu loahpas.
Muorrafuolahus stobuide ja vuoiŋŋastanbáikkiide álggahuvvo
Hohpolaččamus báikkit leat jo ožžon daid muorrakubihkaid, guhkimusas leat Guivvi stohpu Geavus ja Fásku stohpu Leammis. Fuolahanmáđijat vuddjojuvvojit vuos skohteriiguin, vai lossa reahkafievrrideamit lihkostuvvet almmá darváneami.
Suoločielggis Urho Kekkonen álbmotmeahcis
Giđđasesoŋŋii rahpat fas láhttokafeaid. Kafeafitnodatdoallit bajásdollet Meahciráđđehusa báikkiin Luulampi láhttokafea ja Myeiđikuurâ beaivestobu láhttokafea. Myeiđikuurâs kafeaeamidin doaibmá Tarja Roininen ja Luulampis álggaha kafea jođiheami ođđa fitnodatdoallipárra Nina Niittyvuopio ja Petri Linna.
Láhttokafeaid rabasáiggiid gánneha ovddalgihtii sihkkarastit.
Koronadilli
Covid-19 pandemiija dihtii várren- ja ávdinstobuid seaŋgasajiid leat geahpedan. Badjel logi olbmo stobuin leat geahpedan seaŋgasajiid guđa olbmui. Luondduguovddážiid áššehasmeari leat maiddái ferten ráddjet, vai sáhttit eastit koronanjoammuma riskka.
Lasidieđut: