Vánddardeami ABC

Leatba álggahalli vánddardeaddji dahje hárjánan meahccejohtti, oaččot dáid siidduin máŋggalágan guigosiid vánddardeapmái. Go vánddardandáiddut lassánit, vánddardeamis boahtá dorvvolut ja reaissus návddaša eanet.


Vánddardeapmi ja vázzin leat olgolihkadanvuogit, mat geasuhit sakka olbmuid. Vánddardeami bivnnutvuohta áiggeádjin lea lassáneamen Suomas. Dán áigge juohke njealját suopmelaš dahká uhcimustá 10 kilomehtera vánddardanreaissuid, ja juohke logát fitná vánddardeame ija badjel. Olbmot vánddardit máŋgga sierra sivas. Vánddardeapmi sáhttá leat váikkeba vuostedeaddu sisbargui. Vánddardemiin sáhtát maiddái fuolahit veadjimis dahje fitnat dárkomin birrasa ja návddašeamen luonddus. Oanehisge reaisu virkkosmahttá ja olgun lihkadeamis leat maiddái čájehuvvon leat positiivvalaš váikkuhusat olbmo fysihkalaš ja vuoiŋŋalaš dearvvasvuhtii.

Vánddardeami ABC -siiddut leat luonddus lihkadeami ovddideaddji golmma oassebeali boađus: Meahciráđđehusa, Suomen Latu (suomenlatu.fi, suomagillii) ja Suomen Partiolaiset (partio.fi, suomagillii). Siiddut dievasmahttojit boahttevuođasge vánddardeaddjiid ja lohkkiid sávaldagaid guldalemiin. Muital máhcahatskoviin sávaldagaidat, maid vánddardanáššiin don sávašit siidduide lasi dieđuid. Sáhtát maiddái addit eará máhcahaga siidduin.

Vánddardeami ABC:a buvttidit

Meahciráđđehusa dovddaldat.

Suoma Latu dovddaldat.

Partio dovddaldat.

Suoma stobut – 
geavaheapmi ja dorvvolašvuođarávvagat
-video

(youtube.com, eaŋgalasgillii)