Lihkat nu ahte it vuhtto itge muosehuhte elliid

Bargga ná!

  • Go jeagadat dan mii guovllu njuolggadusain dehe juohkeolbmovuoigatvuođaid geatnegasvuođain daddjo, de dagahat áruid ja heađuštusaid nu unnán go vejolaš.
  • Ovdamearkkadihte giikanastte elliid ja daid čivggaid guhkkin, vai dat eai muosehuva. Divtte gazzalottiid bessenmuoraid ja lottiid orrunsajiid orrut ráfis.
  • Geavat dihkkáduvvon johtolagaid ja bálgáid, vai eatnamat eai guorbba dušši dihte. Ale njulge dehe vácce bálgá guoras, vaikko bálggis livččiinai gollan váttisin johtit, daningo muđuid bálggis govdu dušši dihte.
  • Leage earenoamáš várrugas bávtte nalde, daningo dan šattut dego maid bohccojeahkálat ja dynaguovllut sihke njuoska rabasjeakkit girdet gollama hui hejot.
  • Stuorit joavkkus gánnáha juohkásit unnit 4 - 5 olbmo jovkkuide, vai eallit ja eará luonddus lihkadeaddjit eai muosehuva.

Geavat dihkkáduvvon johtolagaid vaid meahcci ii gola duššiid dihte. Govva: Martti Sirola

Manne?

Go lihkadat luonddus, sáhtát dáhtokeahttá dehe vásedin dagahit áruid ja heađuštusaid. Sáhtát ovddidit šattolašvuođa jaeananvuođu gollama ja erošuvnna lassáneami sihke luonddu nuoskuma. Maiddái eallit sáhttet muosehuvvat ja daid čivggat duššat.