Lievllisteaddji divremirkkuid (ovdamearkan Thermacell) geavaheapmi lea gildojuvvon álbmotmeahcis ja eará stáhta suodjalanguovlluin:
- bálgáin ja máđijain lihkadettiin
- vuoiŋŋastan- ja dolastallanbáikkiin
- govddiin.
Tukes rávvagiid mielde lievllisteaddji divremirkkuid oažžu geavahit dušše ráhkadusaid njuolggo lagašvuođas šilljobiriin dego veránddas ja terássain. Meahciráđđehus goittotge ávžžuha, ahte mirkkuid eai geavat ávdin- ja várrenstobuid dahje eará suodjalanguovlluin lean ráhkadusaid šilljobires. Dát ráhkadusat leat guovdu suodjaluvvon luonddu ja dávjá lahka čázádagaid, ja lievllisteaddji divremirkkuid ávdnasat leat váralaččat eandalii čáhceealániidda ja gavjendivrriide. Lievllisteaddji divremirkkuid geavaheami gánneha garvit maiddái eará vánddardeaddjiid dihtii.
Geavat dušše Tukes dohkkehan divregavdnjejeaddjiid. Dovddat lobálaš rusttegiid ja ávdnasiid Tukes lohpenummiris. Geavahanrávvagiid galgá álo čuovvut. Geavatkeahtes divremirkkuid galgá jávkadit váralaš bázahussan, ja guoros páhkaid sirret seahkalašbázahusaide.
Dábálaš liikái lebbejuvvon dahje cirkkuhuvvon divregavdnjejeaddjiid sáhttá geavahit maiddái suodjalanguovlluin.
