Davvi-Lappi, Anár
Nellima čázádattuvra lea earenomáš heivvolaš beaivetuvra sidjiide, geat johtet kanohtain. Tuvrra álgo- ja loahppačuoggát leat lahka Njellim márkana ja dan bálvalusaid. Váikke johtolat mannage oalle lahka orrunviesuid, de lea johtolagas goittotge meahccedovdu. Orrunviesut leat viehka unnán gáttiin. Gátti vuovddit leat luonddudilis ja čázit ráidnasat ja huksemeahttumat.
Luondu johtolaga áigge lea dábálaš garra anárlaš duovdagat beahcevuvddiin, várrin ja čázádagain. Lottiin ii sáhte leat fuomáškeahttá gáddespihčosa ja čoađggit, man beasit leat duoppil dáppil gáttiin. Eará čáhcelottiin sáhttá oaidnit goit dovtta ja vuoktagoalssi. Maiddái čiekčá, mii manna bárbmui gaskamuddui Afrihkkái, máhccá jahkásaččat deike besset. Dan sáhttá gullat ja oaidnit suvddáhallame allagasas almmis.
Johtolaga áigge sáhttá oaidnit duoppil dáppil bázahusaid boares muorraávdnasa suvdima ráhkkanusaid. Dat leat 1920-logus. Dalle huksejuvvui earret eará guhkes dimbbarsuvdinrenne Gaskamušjárvvis (Koskmuujävri) Njellimjávrái boahtti dimbbarsuvdimiid váras. Čázádatguovllu vuvddiid gieđahalle vuohččan dálvviin 1924-1929. Stuorámus muoraid njeide dalle, ja dimbariid suvde jogaid ja jávrriid mielde Anárjávrái ja doppe Báhčaveaijoga mielde sahái Jiekŋameara riddui. Museadoaimmahat lea ođasmahttán suvdinrenne. Dan oktavuođas lea maid Meahciráđđehusa ceggen rabas fiellogoahti dolastallansajiin ja maiddái Anára suvdinhistorjjá birra muitaleaddji ofelastintávvaliid.
Johtolaga guhkkodat lea 14 kilomehtera. Dan johtimii oažžu várret beaivvi iđidis gitta veaigái. Čáhci gahččá johtolaga áigge 27,8 mehtera. Gahččamis stuorámus oassi 17,6 mehtera, lea suvdinrennes Gaskamušjávrri ja Njellimjávrri gaskkas.
Guovllu dikšu: Meahciráđđehus, Lappi Luonddubálvalusat (Lapin Luontopalvelut).
