Nuorta-Lappi, Anár, Soađegilli, Soabbada luonddumeahcci, Urho Kekkonena álbmotmeahcci

 

Finnmárkkubálggis lea oassi dološ Finnmárkkujohtolagas, mii lea dolin mannan Mearrabađas Suoločielggi duottarguovllu badjel gitta Jiekŋamerrii dahjege Finnmárkku rittu rádjai. Finnmárkkujohtolat lea várra Lappi boarráseamos johtolat, ja dat máinnašuvvo áššegirjjiin juo 1500-logus. Finnmárkkujohtolaga mielde heite johtimis 1900-logu álggus. 2000-logu álggogeahčen oassi johtolagas lea ovddeštuvvon vánddardanbálggisin ja merkejuvvon ođđasit meahccái Soabbatjávrris Laanilai.


Finnmárkkubálggis manná Náttašduoddara áibmadas čohkaid gaskka Soabbada luonddumeahci čađa. Soabbada luonddumeahcis oažžu johtalit dušše merkejuvvon bálgáid mielde, ja Finnmárkkubálgás ii oaččo spiehkastit. Bálggis joatkašuvvá UK-álbmotmeahci bealde vuovdeduovdagis. Dat loahppaoassi, maŋimuš 7 km bálgás manná álbmotmeahci olggobealde, ja dan mielde johtti beassá Laanilai. Merkejuvvon Finnmárkkubálgá guhkkodat lea oktiibuot 35 km. Bálggis lea meahccái merkejuvvon geassejohtolat. Finnmárkkubálgá guoras leat dolastallanbáikkit ja lávvu, láktasajiid rastá leat rovit ja jogaid rastá šalddit.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).

Dán siiddu čujuhus lea lundui.fi/finnmarkkubalggis.

Áššehasbálvalus

Urho Kekkonena álbmotmeahci áššehasbálvalus
0206 39 7200
ukpuisto@metsa.fi

Gieđas telefovdna, mas oidno Retkikartta.fi. Raba Finnmárkku bálgá kártta Retkikartta.fi:s (suomagillii).

Lagasvánddardanbáikkit

Eará johtolagat Soabbada luonddumeahcis