Máŋggalágaš stobut

Vánddardeaddjiid idjadanbáikin leat stobut ja barttat sihke nuvttá ja mávssu vuostá.

Nuvttá, rabas stobuin dábálaččamusat ja beakkánepmosat leat ávdinstobut. Stobut leat dábálaččat luottahis mátkkiid duohken riikkamet davvi- ja nuortaosiin. Eará rabas stobut leat beaiveatnui dárkkuhuvvon beaivestobut. Maiddái rabas gámmet ja hirsagoađit leat heivvolaš vuoiŋŋastanbáikkit beaivet, muhto dat sáhttet spiehkastatdáhpáhusain addit maid idjasuoji.

Dáhkidat alccet idajadansaji mávssu vuostá lássejuvvon stobus dehe barttas, go várret dan ovddalgihtii. Stobut, main šaddá máksit, leat oanehisáigásaš atnui dárkkuhuvvon várrenstobut ja várrengámmet, láigostobut sihke guhkitáigásaš atnui dárkkuhuvvon láigobarttat.

Luondduturistafitnodagat sáhttet geavahit stobuid ja eará rusttegiid, dego dolastallanbáikkiid, iežaset áššehasaid orustansadjin, muhto dasa galgá leat Meahciráđđehusa lohpi. Gánnáha goittot váldit vuhtii ahte ávdinstobuid ii oaččo geavahit idjadeapmái luondduturismma fitnodatdoaimma oktavuođas, muhto áššehasaid idjadeapmái gánnáha geavahit várren- ja láigostobuid dahje priváhta idjadanbálvalusaid. Maiddái iešráđálaččat johtti stuorra joavkkuid ávžžuhit geavahit idjadeapmái juogo iežaset tealttáid dahje várrenstobuid.

Lundui.fi:s leat

  • 138 ávidnstobu
  • 25 beaivestobu
  • 9 hirsagoađi/-gámme
  • 21 láigostobu
  • 25 várrehusstobu
  • 6 várrehusgoađi/-gámme

Suoma stobut – 
geavaheapmi ja dorvvolašvuođarávvagat
-video

(youtube.com, eaŋgalasgillii)

Guođe stobu čorgadin

Joel Ahola ja Mikko Peltola čájeheaba, mo stobu boahtá čorget čuovvovaš vánddardeddjiide (areena.yle.fi, suomagillii).

Gáldu: Yle Erätulilla. Govven ja čuohppan Juha Korhonen.

Dorvvolašvuohta

Stobus leat buollinváruheaddjit, muhto váldde fárrui sihkkarvuođa dihte buollinváruheaddji báhttera V9 ja/dahje mátkibuollinváruheaddji.