Eará guovllut

destination-hero-default-alt

Álbmotmehciid lassin Suomas leat máŋggalágán eará luonddusuodjalanguovllut, maid njuolggadusat spiehkastit nuppiineaset. Leatgo juo fidnan buot Suoma báikkiin? Livččiigo vel juoga earenoamáš báiki oainnekeahttá? Máŋga luonddučuozáhaga sáhttet leat aina finakeahttá. Oanehisge reaissu luonddučáppa báikái gánneha dahkat. Bisánastte oanehis boddii ja návddaš duoddara jalgadasas, fiinna johkalegiin ja ceakko várrevilttiin.


Juogo leat  vásihan Giehtaruohttasa stuorraduoddariid Mallá luonddumeahcis, geahčadan čáppa Deatnoleagi dahje imaštallan Geavu kanjonalágan ávžži? Sámi luondu lea čáppis buot jagiáiggiin ja seammá báiki sáhttá leat áibbas earálágan olggosoaidnit geassit ja dálvit, giđđat ja čakčat. Maiddái seavdnjadeamos skábma lea iežas láhkai earenoamáš áigi.

Muhtin luonddusuodjalanguovlluin oažžu lihkadit juohkehačča vuoigatvuođaid mielde, go fas muhtin oasis lihkadeapmi lea ollásii gildojuvvon. Lundui.fi -bálvalusas ovdanbuktojuvvon luonddusuodjalanguovlluin vánddardeapmi lea vejolaš aŋkke gáržžet.

Lihkadeapmi lea gáržžiduvvon eandalii dieđalaš dutkama várás vuođđuduvvon luonddumehciin. Muhtin luonddumeahci eatnamiin oažžu goit lihkadit merkejuvvon johtolagaid mielde. Dákkár guovlu lea ovdamearkan Geavu luonddumeahci. Luonddusuodjalanguovllut leat vuođđuduvvon maiddái ee. jekkiid, rođuid, loddečáziid ja boares vuvddiid suodjaleami várás.

Dáid siidduin sáhtát oahpásmuvvat ovcci sierra guvlui, main lea buohkain iežas earenoamaš luondu. Oassi báikkiin lea heivvolaš beaivemohkiide ja oassi fas gáibida moanáid beivviid vánddardeami.

Dieđuid eará go Suoma davimus suodjalanguovlluin gávnnat min neahttasiidduin suomagillii