Njellima čázádattuvrra johtolaga bálvalusat

15.9.2020
Koronavirusa geažil luonddusge lea ágga atnit dorvogaskkaid ja čuovvut earenoamáš giehtahygieniija ee. stobuin, dolastallanbáikkiin ja hivssegis fitnamiid maŋŋá. Meahciráđđehusa linnjemat ja rávvagat beaiváduvvojit, go almmolaš koronarávvagat šaddet dárkileabbon.
Geahča lassidieđuid ja čuovo min rávvagiid.

Áššehasbálvalus ja oahpisteapmi

  • Meahciráđđehusa Avvila bálvalanbáiki
    • Dieđut ja kárttat Davvi-Sámi guovllu birra
    • Guolástus-, meahccebivdo- ja meahccejohtolatlobiid vuovdin
  • Davvi-Sámi luondduguovddáš Siida
    • Meahciráđđehusa áššehasbálvalanbáiki Siiddas fállá dieđuid Anára vánddardanguovllu birra ja buot earáge Davvi-Sámi luonddučuozáhagain. Bissovaš ja molsašuvvi čájáhusaid lassin Siiddas fidne vánddardanrávvema, kárttaid ja lobiid oppa Davvi-Sámi guvlui.

Ovttasbargobeliid fállan bálvalusat Váhčira meahcceguovllus

Juhkančáhci

  • Jávrečáhci johtolaga lahkosis lea nu ráinnas, ahte dan oažžu atnit dakkáražžan, sihke juhkančáhcin ja málesteapmái. Čázi kvalitehta ii goittotge čuvvojuvvo jeavddalaččat.

Bázahusfuolahus

  • Suvdinrennes gávdno seahkalasdoabbariid ruskalihtti. Ávžžuhus goittotge lea ahte tuvrajohtit buktet ruskkaid mielddis eret jávrris. Boaldinruskkaid sáhttá boaldit dolas. Biodoabbáriid sáhttá guođđit eanaluvvat hivssegii. Loga eambbo ruskakeahtes tuvrrain.

Dolastallanbáikkit

  • Suvdinrennes lea fiellogoahtebealli dollasajiin
  • Doladahkamii galgá geavahit vuosttažettiin ovdal namuhuvvon bisánanbáikki
  • Go bidjá sajusdola galgá álo válljet báikki, gos dola leavvama várra lea unni. Dola dahkamii oažžu váldot ovssiid ja rissiid.
  • Priváhtaeatnamiidda ii oaččo bidjat dola.

Boaldinmuorrafuolahus ja hivssegat

  • Suvdinrennes gávdno muorraviessu ja ákšu luodduma váras. Geavat hálgguid seastevaččat.
  • Suvdinrennes ja dan bisánanbáikkis leat olgohivssegat.

Fuolahusas lea ovddasvástádusas

Idjadeapmi

Tealttástallan ja lávut

  • Gaskaboddosaš tealttástallan lea vejolaš ja lobálaš meahcis, nu guhká go ii heađuš eará guovllu johtaleddjiid.

Ávdinstobut

  • Johtolaga mátkkis eai gávdno ávdinstobut. "Suvdinfávtta barta" lea oainnus.

Restoráŋŋat, kafeat, kioskkat ja nisttiid skahppun

  • Njellimis lea Erähotelli, man oktavuođas kafea, eará gávppit ja boaldámuša vuovdinbáikkit gávdnojit Avvilis.