Rávvagat Leammis johtaleapmái

Leammi álbmotmeahci ortnetnjuolggadus (julkaisut.metsa.fi)

Leammi álbmotmeahcis lea lobálaš

  • johtaleapmi vácci, čuoigga ja mealu juohkeolbmo-vuoigatvuođaid (www.ymparisto.fi, suomagillii) mielde earet ráddjenavádagas. Ravadasgoržži ráddjenavádagas johtaleapmi lea lobálaš dušše merkejuvvon bálgáid mielde.
  • murjjiid ja borranguobbariid čoaggin.
Ladnjoaivi. Govva: Martti Rikkonen

ráddjejuvvon

  • sajusdola cahkkeheapmi ja gohtten álbmotmeahci vánddardanavádagas, gos sajusdola cahkkeheapmi ja gohtten lea lobálaš dušše dađe várás čujuhuvvon báikkiide.
  • sihkkelastin  lea lobálaš dušše merkejuvvon johtolat. 
  • oaggun ja bilken, mat leat lobálaš astoáiggedoaimmat dušše álbmotmeahci áhpásnuvvanguovllu olggobeale ladduin ja jávrriin. Guolásteaddji: dárkkis guolástusráddjehus "kalastusrajoitus.fi!" (https://kalastusrajoitus.fi/#kalastusrajoitus, suomagillii). 
  • eará go juohkeolbmovuoigatvuođaide gullevaš doaimmaide dárbbašuvvo eanas dáhpáhusain lohpi Meahciráđđehusas. Dakkár lobit leat ee. dutkanlobit ja stuorra dáhpáhusaid lobit.
    Meahciráđđehus lea hábmen sierra rávvaga ja skovi (www.metsa.fi) daid lobiid ohcamii.

gildojuvvon

  • sajusdola cahkkeheapmi meahccebuollinvaruhusa áigge.
  • biebmoealliid doallan luovus.
  • eará go borranguobbariid ja muoraid, meastagiid sihke eará šattuid ja daid osiid váldin ja vahágahttin.
  • eana- ja báktevuođu vahágahttin ja eatnama daikke ruvkeminerálaid váldin.
  • vilda ealliid bivdin, goddin daikke háhtten daikke daid besiid duššadeapmi.
  • čealgedávttehis ealliid bivdin ja čoaggin.
  • mohtorfievrruin vuoddjin earet dan váras čujuhuvvon luottaid mielde.
  • lutnen daikke huksemiid vahágahttin.
  • meahcásteapmi. Báikegotti ássiide lea meahcástus lobálaš ruoktogielddaset guovllus (meahcástanlága 8 §).
  • Álbmotmeahci meahcceoasis leat iežas vuogit. Loga lasi ortnetnjuolggadusas(julkaisut.metsa.fi).
  • Golleroggiid rogganbáikkit veardiduvvojit šilljui nu, ahte dohko ii galgga mannat almmá lobi haga. Muhtin golleroggit ordnejit golleroggama mátkkálaččaide, nuppit hálidit bargat iežaset ráfis.

Ovddalgihtii ráhkkaneapmi

Giehtatelefovnnaid gullon

  • Vaikko Suoma mátketelefonfierpmit gokčet viidát riikka, de Leammi álbmotmeahcis sáhttet leat báikkit, main telefovdna ii gullo. Dárkkis mátketelefonfierpmi govčču iežat telefonoperáhtoris. Dasa lassin leat álo báikkit, main mátketelefovdna ii doaimma dahje doaibmá funet. Dalle sáhttá ábuhit dat, ahte manná birastahtti duovdagis badjelii jalges sadjái ja/dahje váldá telefovnna SIM-goartta eret heahteriŋgema boddii. Gánnáha maiddái váldit vuhtii dan, ahte sierralágan mátketelefovnnaid gaskkas leat gullonearut.

Biergasat

  • Leammis vánddardettiin galggašii leat fárus goittotge kárta, komppás ja áššálaš vánddardanrusttegat mátkki guhkkodaga mielde.
  • Birrasa seasti vánddardeapmi

Dorvvolašvuohta

  • Leammis ođđaseamos áššit leat suomagielalaš fierbmebálvalusas.
  • Meahcceoasis vánddardeapmi lea olu váddásut go merkejuvvon bálgáid mielde, nu ahte doppe johtimii dárbbašuvvo hárjánupmi vánddardit.
  • Muitte guođđit almmuhusa iežat áigetávvalis ja johtinplánas omd. luondduguovddáš Siidii.
  • Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
  • Váldde mielde vuosttašveahkki dárbašiid.

Sesoŋŋaáiggit

  • Buoremus ruškeáigi lea čakčamánus, goas maiddái johttit leat eanemus.
  • Meahci osiin vánddardanavádagas, Leammileahki ja golleguovlu, geasuhit eanemus.

Heahtinummir 112

 
Jus dus reaissustat boahtá heahti, ovdamearkan láhppot, lápmašuvat dahje áiccat meahccebuollima, riŋge nummirii 112 ja daga heahtedillialmmuhusa.
 

112 Suomi -mobiilaaplikašuvdna

 
Go heahtetelefovdnii riŋgejuvvo 112 Suomi -aplikašuvnnas (www.112.fi) bokte, de heahteguovddášgohcci oažžu automáhtalaččat dieđu riŋgejeaddjái sajádagas.
Lappis leat olu baikkit gos telefon ii gullo ja dihto telefonmállet eai doaimma buollašis, nuba máđidjaplána oktan áigetávvaliin lea buorre almmuhit soapmásii.
 
Gánneha doallat telefovnna liekkasin  sihke biebmu ja juhkamuša fárus. Dihto telefonmállet eai doaimma buollašis, nuba máđidjaplána oktan áigetávvaliin lea buorre almmuhit soapmásii. Vai mátketelefovnnas ii nogašii rávdnji, váldde mielde ovdamearkan liikerávdnjerusttega, várrebáhttera dahje boares telefovnna, mas lea buorre báhtter.