Piilola bálggis lea gáibideaddji vánddardanjohtolat daningo dat leat hui meahcceguovllus. Vánddardeaddjis galgá leat ovddeš vásáhus vánddardeamis. Geinnodagas lea dušše veháš johtima álkidahtti huksemat, nu mo rasttildeami váste muorat ja šalddit, ja jogaid galgá rasttildit gállimiin dahje lávkumiin geđggiid mielde. Muorat leat heajos ortnegis. Johtolat lea merkejuvvon Suoma bealde muorrastoalppuiguin ja Norgga bealde málamearkkaiguin muoraide dahje geđgiide, muhto maid šleđggoniin, mat heaŋgájit muorraovssiin.

Eatnama allodat ii molsašutta nu ollu, muhto eana lea juovvái ja dat dahká johtima njoazibun. Piilola bálgá ávžžuhuvvon johtináigi lea gaskkal golbma ja njeallje beaivvi. Geinnodaga sáhttá johtit geassemánu beallemuttu ja čakčamánu loahpa gaskasaš áigge nappo giđđadulvviid maŋŋel ja ovdal vuosttáš muohttaga. Luotta dilis lea buorre jearralit ovddalgihtii Avvila bálvalanguovddážis dahje Luondduguovddáš Siiddas. Johtolat ii heive fysalaččat lámis olbmuide.