Váhčira meahcceguovlu lea Avvilis Gápmasii manni váldogeainnu (váldogeaidnu 4, E75) nuorttabealde Anárjávrri duohken.

Váhčira meahcceguovllu lahkonankárta © Meahciráđđehus 2005

Johtinoktavuođat

Biillain

Váhčira meahcceguovlu lea Anára gielddas Anárjávrri nuorttabealde. Anárjávrri davábeale gátti mielde manná guovllugeaidnu nr 971 Gápmasis Njávdáma bokte Norgii (120 km). Geainnu guoras leat Bártteha, Čeavetjávrri ja Njávdáma gilit. Guovllu máttabeallai lea Avvilis Njellima gillái manni guovllugeaidnu nr 969. Geaidnu joatkašuvvá Njellimis Kessi guvlui ja muhttašuvvá Báhčaveaijoga šalddi maŋŋá meahccebiilageaidnun, mii nohká ovdalaš Geassejávrri (Kesjävri).

Almmolaš fievrruiguin

  • Togain (www.vr.fi, suomagillii) beassá beaivválaččat Roavvenjárgii, gos lea joatkkaoktavuohta linnjabiillain Avvilii. Avvilis leat árgabeivviid linnjabiilaruvttot Njellimii ja Njávdámii. Linnjabiillaid áigetávvalat (www.matkahuolto.fi, suomagillii).
  • Girdiin (www.finavia.fi, suomagillii) beassá beaivválaččat Helssegis Avvilii.

Meahccereaissu vuolginsajit

  • Vánddardeami gánná álggahit omd. meahcceguovllu lahkosiid giliin: Njellimis, Čeavetjávrris dahje Njávdámis.
  • Fanasvánddardeami gánnáha álggahit ee. Bártteha ja Njellima giliin. Goabbat sajis leat fanasluoitinsajit. Anárjávrri gáttiin leat moanat fanasluoitinsajit. Fanashámmanat leat Anáris, Veskonjárggas ja Njellimis.

Kárttat

Váhčira čuozáhatkárta © Meahciráđđehus 2016

Elektrovnnalaš kárttat

Eará kárttat

  • Čeavetjávri - Njuorggán olgolihkadankárta, 1:100 000, Karttakeskus 2014. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Anára čujuhus- ja astoáiggekárta, 1:150 000, Sámi eanamihtidandoaimmahat 2013. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Davvi-Suoma tuvrakárta (GT-kárta), 1:400 000. Kárttaid sáhttá oastit ee. Karttakeskusis ja girjegávppiin, main lea buorre válljenmunni.
  • Eanadatkárttat W512, W514 ja W523, 1:50 000, Eanamihtidanlágádus 2008 - 2009. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.
  • Anárjávrri fanastallankárta, 1:50 000, Mearrajohtinlágádus 2011. Kárttaid sáhttá oastit ee. Davvi-Sámi luondduguovddážis Siiddas ja Meahciráđđehusa Avvila bálvalanbáikkis.

Kárttaid vuovdinbáikkit