Darvvátvári meahcceguovlu

14.7.2021
Vuovde- ja gulubuollinváruhusa (ilmatieteenlaitos.fi, suomagillii) áigge dolastallan lea lobálaš dušše bohcciiguin, gokčojuvvon dolastallanbáikkiin sihke ávdinstopuid ja barttaid dollasajiin earenoamáš várrugasvuođain. Dola cahkkeheaddji vástida álo dolastallama dorvvolašvuođas. Válddathan vuhtii, ahte dolastallan dain sáhttá gildojuvvot báikegottiid guovdu.
destination-hero-default-alt

Davvi-Lappi, Eanodat
Viidodat 670 km2, vuođđuduvvon 1991


 

Darvvátvári meahcceguovllus beassá hárjánan vánddardeaddji, gii ohcala ráfi ja jaskatvuođa, vásihit millii báhcci luondduvásáhusaid. Meahcceguovlu ja Leahttaseanu-Jiehtájoga jekkiidsuodjalan-guovllu rikkis loddešlájat geasuhit maid hárjánan loddeberošteddjiid vuolgit deike, dán máŋgasiidda vel nu dovdameahttun meahcceguvlui.

Dán guovllu duottarjávregáttis gávnnai dovddus luonddugirječálli Yrjö Kokko vuosttaš geardde njuvčča beasi. Darvvátvári meahcceguovllus oaččui nappo Kokko fáttá girjásis Laulujoutsen ("Njukča"), ja girjji vuosttaš deattileapmi almmustuvai jagi 1950. Girjji ánsun lea, ahte njuvččat leat ráfáidahttojuvvon ja maid odne máŋggat njuvččat besset maiddái Darvvátvári meahcceguovllus.

Darvvátvári meahcceguovlu lea Leaibejávrri gili oarjjabealde ja Gárasavvona gili davábealde. Davvin guovlu ollá Suoma ja Norgga gaskasaš rádjeáidái. Meahcceguovllu lulábealde gávdno beahcevuovddi davvirádji ja lahka Norgga ráji leat duottarbadjeeatnamat, maid alimus čohkat leat badjel 600 mehtera mearragierraga bajábealde. Guovllu meahcit leat váldooasis soahkemeahcit. Darvvátvári meahcceguovllus sullii goalmmádasoassi leat jeakkit, main leat ollu balssat dehege darfebolnnit, maid siste lea jiekŋa.

Guovllu duoddariin, jávrriin ja stuora, viiddes jekkiin vulget maid oallut Muoniojohkii golgi jogat, stuorimus jogat leat Darvvátjohka ja Hárrejohka. Dáid čázadagain gávdnet sállaša maid dakkár čeahpes guolásteaddjit, geat ohcet ođđa hástalusaid.

Dán siiddu čujuhus lea lundui.fi/darvvatvarri.

Guovllu dikšu: Meahciráđđehus, Lappi Luonddubálvalusat (Lapin Luontopalvelut).

Áššehasbálvalus

Duottar-Sámi luondduguovddáš

Gieđas telefovdna, mas oidno Retkikartta.fi. Raba Darvvátvári meahcceguovllu kártta Retkikartta.fi:s (suomagillii).